ليالي الشمال الحزينة

بين اعتزال الجرح والتوبة
شَبَه مؤلم
خيوط دايبة ف إيدين جرَّاح
ضعيف جدا قصاد أهله
قوي خالص
قصاد مَشرط
بيقطع ذكريات عاشت
بحدَّة ونقد للمشهد
تخلِّي كل تفاصيلها تهون ف عنيه
بيتأسِّف
على الدم اللي غيَّر كل ألوانها
على الورد اللي مات تمثاله ف عيونها
بيتأسِّف
ومستنِّي تسامحه إزاي؟!!
غلطة
في حساباته
مش ذنب حدّ
ليه جالها جري وقال لها
محتاج لها
ليه لمِّته “,”من سبعين أرض“,” ودفِّته
ليه خلِّته
مالك زمام الكون في لحظة
وف لحظة هوَّ هدَّها
إيه اللي عابها عشان يكون الضدّ غالب؟!!
بين الرضا وحزنك على كرامتك
شبه أوقات
ساعات يوجع
ساعات بيعلِّم الحكمة
اختاروا بعض
عشان حسّوا سوا الرحمة
ورحمة ربِّنا
وسعت لكل الخلق
أكيد في البعد كان رحمة
أكيد في القرب
كان الحب
شمعة تقيد بإخلاصهم
وَأْد المشاعر
واحتضار الشمع جوَّاهم
تَعَاقُب للفرح والجرح
حكمة ربِّنا في الكون
عشان نبكي ونرجع له
عشان نرضى
عشان يكبر
وينسى أى شيء غيرها
عشان تفضل تغني له ف مواويلها
عشان أطهر قلوب في الأرض همَّاهم
نحتوا حروفهم
ع الطريق مسافات
خافت “,”فيروز“,” عليهم
لا اللي بينهم يتسكر
غنِّت من الخوف:
ليالي الشمال الحزينة .
Normal
0
false
false
false
EN-US
X-NONE
AR-SA