سعد سمير يتغزل في عماد متعب ويهاجم "الجهلة"

تحدث سعد الدين سمير مدافع الفريق الأول لكرة القدم بالنادي الأهلي عن عماد متعب وهدفه القاتل الذي سجله أمس أمام الإنتاج الحربي في الجولة 12 من مسابقة الدوري الممتاز.
وقال اللاعب عبر حسابه الرسمي على الفيس بوك:" في كذا حاجة كدة الراجل ده كل الناس إلى بتشيد بيه امبارح وطلعا السما بيه هما هما نفس الناس إلى بتقطع فيه وتروقه لما يضيع فرصة وهي نفس الناس إلى كمان أسبوع هتهاجمو اوتنتقدو بدون أي موضوعية لو مكانش في حالته بس عادي كلنا بنتعرض لده وبيحصلنا كده لكن مشكله لما تتعرض لنقد وضغط وجهل احيانا و90 مليون خبير كروي على ارض المحروسة كل ده عادي متعودة دايما تجيب جوول أو تبقي كويس برافو هايل وسابع سما كمان 3 ايام يضيع أو ميبقاش اوي وحش وسابع ارض."
وأضاف:" ده عادي دا الفكر الموجود والواقع ولازم تتقبل الأمر..لكن لازم تفهم وتركز أن الراجل ده يا جماعة اسمه عمادمتعب معاه توكيل منطقة الجزاء هو عارف يقف فين ويعمل ايه ويتصرف ازاي القصة مش في جوول جابه أو 3نقط القصة في روح واصرار وعزيمة جيل بيسلمها لجيل وروح بتكبر وتتزرع على مر العصور في كيان كبير."
واستطرد قائلًا:" متعب قيمة وقامة كبيرة اوي وتاريخ وماضي وحاضر مرتبط وجزء اصيل من تاريخ النادي الأهلي ونتمني نمشي على نفس طريق النجوم دي".
وقال:" فرحة الجوول دي احلي حاجة في الدنيا القصة مش ميين إلى بيلعب أو مبيلعبش.. أكيد أي حد نفسه يلعب..لكن القصة في حب وتشجيع وبيت انتا مرتبط بيه وعيله كبيرة انتا جزء منها وروح بتتوارثها الأجيال ولحظات عمرك مهتشوفها الآ في النادي ده اينعم قلبك ممكن يوجعك ساعات لكن فرحتك بالدنيا بعد كده".
واختتم حديثه قائلًا:" شكرًا للنادي الأهلي على اللحظات الحلوة إلى بنعيشها.. وعلي فكرة انا إلى كاتب الكلام ده معرفش ازاي بس انا إلى كتبته المهم..صباح السعادة".