تموينك أول الشهر.. إسبرين وأزازة كحة وكونكور 5 للضغط

الريس حنفي، وزير مخازن الزيت والسكر والرز في حكومة محلب بيه ، جنابه خلاها خل ، يربط الكيس من ناحية ، يخرله من ناحية تانية ، إيه يا عم حنفي ، اظبطها تظبطك ، كشكشها تفرد معاك ، تعرضها تديلك ضهرها ، يوم ورا يوم وجنابه بشيل النوم واحدة واحدة من عين المصري أفندي ، تصريحات سعادته دايما للشو ، كلامه ف الجاريد بلسم ، حكاويه عن أحلامه ف الفضائيات زبدة وتسيح مع نزول تيتر نهاية البرنامج ، الواقع حاجة تانية خالص يا حنفي ، أحدث اختراعات بسلامته ، إغراء المواطن بصرف مسكنات و أدوية علي بطاقة التموين اول الشهر ، جنابه حساس ، عنده مشاعير، شايف إن المصري من غلبه والأسعار قرب يطق واتهرى كحة وصداع وبناء عليه: "قررت حكومة الصداع صرف شريطين مسكن لكل أسرة شهريا وعلبة كنوكور 5 لمواجهة ألم الصداع والضغط ، وشكرا يا حكومة ما نجلكيش في ضغط يا أختى.