قصيدة إعلام فطوطة لشعبان العوضى

هيخلى بلدنا مخروبة
شغال بالحنجل والمنجل
والناس مخنوقة ومفلوقة
***
يسلام يسلام على إعلامنا
بيخلى ورانا قدامنا
والخونة يبقوا أفضلنا
والفيلة تبقى كتكوتة
***
إعلام بفلوسنا المنهوبة
هيخلى بلدنا مخروبة
شغال بالحنجل والمنجل
والناس مخنوقة ومفلوقة
***
ويجبلك نفر استراتيجى
ويقولك فاهم يا عزيزى
عايش فى الكحك ومناقيشى
ودماغه بلاعة مسدودة
***
إعلام بفلوسنا المنهوبة
هيخلى بلدنا مخروبة
شغال بالحنجل والمنجل
والناس مخنوقة ومفلوقة
***
ويجيلك واحدة بتسبل
بعنيها بتحكى وبتهبل
وبتبكى لحد متتبلبل
عملالك فيها فلوطة
***
إعلام بفلوسنا المنهوبة
هيخلى بلدنا مخروبة
شغال بالحنجل والمنجل
والناس مخنوقة ومفلوقة
***
ويجيلك واحد قرادتى
ويقولك مصر يا بلادى
بياس الايد ابن الهرمة
وفلوسه كلها ملطوطة
***
إعلام بفلوسنا المنهوبة
هيخلى بلدنا مخروبة
شغال بالحنجل والمنجل
والناس مخنوقة ومفلوقة
***
ومذيعة بتلعب فشعورها
مكوجى بالرجل فردهولها
عمالة بتصرخ تتمرمغ
وكلام ما يفك المعقودة
***
إعلام بفلوسنا المنهوبة
هيخلى بلدنا مخروبة
شغال بالحنجل والمنجل
والناس مخنوقة ومفلوقة
***
ومذيع متنشى ومتغندر
يا خراشى عامل فيها عنتر
وبدم الشهدا بيسطر
وكفيله حرامى وبهجوته
***
إعلام بفلوسنا المنهوبة
هيخلى بلدنا مخروبة
شغال بالحنجل والمنجل
والناس مخنوقة ومفلوقة
***
والأقرع ابو قفا متسلطن
ولسانه موبوء متسرطن
فاسد نطع عميل متعطن
ومراته الست الموءودة
***
إعلام بفلوسنا المنهوبة
هيخلى بلدنا مخروبة
شغال بالحنجل والمنجل
والناس مخنوقة ومفلوقة
***
يا اعلام الهشك بشك
اكذب دلس ورينا وشك
مصر يا وطنى مين هيغشك
ده اعلامنا بتاع فطوطة
ده اعلامنا بتاع فطوطة
shabanawady@gmail.com