دورة موت

الناس الفقرا
علشان فقرا
غصبن عنهم
ياخدوا الفاضي
المرمي بتاع ال
بودرا
اللي اترشّت
ويّا عرقهم
جوّا مزارع سيدنا ال
عمده
يعملو منّو كوز ب ودان
يشربوا بيه الميّا ال
عطنه
اللي بترعي فيها
ديدان
أشكال و ألوان
عايشا حياتها ف ال
خزان
ف سلام و أمان
ولأن الدولة مش
ليهم
ولا بتفكّر مرّا ف
ذلك
سايبا الجهل الطاحن
فيهم
يكبر جوّا ال
ليل الحالك
و تدور دورة
موت و مهالك
ما بين
الفاضي المرمي بتاع ال
بودرا
وبين خزّان الميّه ال
هالك !!