انتقد الإعلامي جابر القرموطي ، الاتهامات التي وجهها عصام العريان للقنوات الفضائية في مجلس الشورى ، قائلا " حضرتك نسيت قبل الثورة ، كانت القنوات ديه هي التي تقوم باستضافتك أنت وباقي أعضاء الإخوان، بالرغم من وجود مخاطرة في ذلك ، لكن أنت الآن تتبع نفس أسلوب لي الدراع ، وأسلوب التهديد والوعيد ، بشكل أسوء وأفزع من النظام السابق". وتابع القرموطي ، في برنامجه مانشيت بقناة أون تي في : "مساء اليوم الأربعاء " أنتم عايزين توقعونا فى الغلط ، لكن إحنا مش هنوقع بالغلط ، والتهديد بتاع حضرتكم ملوش أي لازمة ، هتقعدونا في البيت أقعدونا ولا هيهمنا ،الكلام ده كله إحنا زهقنا منه ". واستطرد كلامه " اشتغلوا شوية لله وللرسول ، وبلاش الحاجات الجانبية إلى أنتو بتعملوها ديه ، ومن ساعة ما باسم يوسف طلع ، وأنت كل شوية تقولوا الإعلام هينهار ، وعملتوا 900 برنامج عشان توصلوا حتى لربع الى باسم يوسف بيعملوا مش عارفين". وتابع : " للأسف يادكتور عريان ، أنت بطريقتك ديه بتعري البلد ، وبتشيل ورق التوت عن جثة البلد ، وإحنا محتاجين الي يكسي البلد مش الي يعريها ".