جمالك : ماسك لبشرتك من مطبخك

ماسك لبشرتك من مطبخك
ماسكات لنعومة البشرة
* ماسك الكوسة
المقادير:
ثمرة كوسة مبشورة
الطريقة:
اغسلي وشك كويس جيداً بالماء ، وبعد كده حطّي الكوسة المبشورة على بشرتك مع عمل مساج خفيف بأطراف أصابعك، وسيبيه لمدة من 15 : 60 دقيقة، وبعد كده اشطفي وشك.
* ماسك الجلسرين والعسل للبقع والبثور
المقادير:
ملعقة صغيرة عسل نحل
1⁄4 ملعقة صغيرة جلسرين
1⁄4 ملعقة صغيرة زيت العنبر
ملعقة صغيرة سبرتو أبيض
الطريقة:
دوّبي العسل والجلسرين وزيت العنبر على نار هادية، وبعد كده ارفعي الخليط من على النار، وضيفي عليه السبرتو، وقلبيهم كويس أوي، وبعدين صبّي الخليط في زجاجة وحطّيه في التلاجة، واستخدمي الماسك ده على بشرتك بشكل يومي بعد ما ترجي الزجاجة كويس، وممكن تستمري عليه لمدة شهر علشان تلاحظي النتيجة.
* ماسك الفجل للنمش والبقع والكلف
المقادير:
ثمرة فجل أحمر
زيت لوز مر
الطريقة:
ابشري الفجل، وبعد كده افركيه على مكان النمش أو البقع، وسيبيه على بشرتك لمدة ربع ساعة، وبعد كده اغسلي وشك بالمية العادية، وبعدين ادهني وشك بكمية صغيرة من زيت اللوز المر، وبتستخدمي الماسك ده على بشرتك يوم ويوم.
ولو كانت البقع قوية بتستخدمي الفجل الأبيض بدل الفجل الأحمر، وبتعملي الماسك ده بشكل يومي لمدة شهر على الأقل.