فيديو | رد فعل صادم من عمرو أديب بعد تعادل الزمالك

انفعل الإعلامى عمرو أديب، على الهواء، بعد انتهاء مباراة الزمالك والإنتاج الحربي، بالتعادل، قائلًا: "السنة باينة من أولها الزمالك اتعادل وبكره الأهلى يلعب هتلقيه يرزع 4 فى أول مباراة، ويقولك روح الفانلة الحمراء.. حمرا".
وأضاف أديب خلال تقديمه برنامج "كل يوم"، المذاع عبر فضائية "ON E": "إحنا هنفضل كده على طول يا جماعة إحنا عاوزين نتغير بقى، أي حاجة تتغير فى البلد، ويبقى فيها شوية ديمقراطية أو الزمالك ياخد الدوري".
وتابع:"إحنا فى نفس المشاكل لينا 30 سنة، وهم نفس العدد اللى موصلناش لكأس العالم.. أنا دلوقتى عندى 54 منهم 30 سنة الحال هو هو.. يعنى ما نرحش كأس العالم 30 سنة، والزمالك ما يخدش الدورى 30 سنة، والأهلى يغلب الزمالك 30 سنة".