خاص بالفيديو .. مرتضى للأهلى: واحده اتجوزت وخلفت رايح تخطبها ليه؟ .. شغل البلطجة خلاص خلص

أبدى المستشار مرتضى منصور رئيس مجلس إدارة نادي الزمالك تعجبه من تصرفات و تصريحات مسئولي النادي الأهلي التي صدرت عنهم مؤخرًا بسبب حرب الصفقات بين الناديين، حيث قال: "أنا مش عارف النادي الأهلى عايز ايه؟ هل هي الصدمة أم الصدمة و الرعب؟".
و تحدث منصور عن اللاعب اسلام رشدي الذي تعاقد الزمالك معه و حصل على الاستغناء الخاص به، قبل أن يدخل الاهلى في الصفقة لافسادها، و قال مرتضى: "هل تتحدث عن المبادئ طب ما اسلام رشدي مبادئ و انت خبيته عن فريقه و كان عنده ماتش في الكاس واللاعب اتفق معانا و انت اللى نطيت ما تشرب!".
ثم وجه مرتضى رسالة قاسية لمسئولي الأهلى قائلًا: "الأهلى فوق الجميع على نفسه مش علينا احنا، مفيش نادي فوق حد"، و تابع: "قوة صالح سليم كانت في تواضعه مش في مناخيرة اللي فوق على طول"، كما ذكر مرتضى عدة وقائع سابقة للأهلى، منها خطف عمرو سماكه و محمد عبدالله من الزمالك.
و تابع مرتضى: "اسلام رشدي كلمني و قالي أنا زملكاوي والاستغناء بتاعه معايا و مش هيلعب طول ما الاستغناء في جيبي"، و أكمل ساخرًا: "واحده اتجوزت و خلفت رايح تخطبها؟! .. خلاص".
و استعرض منصور خلال المؤتمر العقود التي وقعها مع مسئولي الشرطة للحصول على خدمات لاعبيهم خالد قمر وأحمد دويدار ويوسف معروف، منذ نحو شهر، و اختتم قائلًا: "شغل البلطجة مش هيمشي في مصر تاني، والفتوة القديم خلاص خلص سنانه اتخلعت".