سما المصري تتطاول على رئيس الزمالك: لو انت راجل قابلني في مناظرة على الهواء

فتحت الفنانة سما المصري النار على المرشح الرئاسي المحتمل ورئيس نادي الزمالك، المستشار مرتضى منصور، بسبب تصريحاته الأخيرة التي أكد فيها أن سما كانت تعمل خادمة لدى سيدة تدعى ب"أم أحمد".
ووجهت الراقصة الاستعراضية رسالة إلى منصور، من خلال فقرة "حق الرد" على فضائية "فلول"، قائلة: "أولا أنت قولت إني كنت أعمل شغالة عند واحدة اسمها أم أحمد، وكنت بعاكس ابنها وهي طردتني وضربتي.. أنا عاوزة أسألك هو مين اللى اشتكى وقالك.. أنا ولا أم أحمد؟".
وأكدت سما على أن "مرتضى لا يستطيع أن يغلق القناة كما قال، حيث لا يمكن ذلك إلا بقرار من المحكمة"، معلقة" "ابعد رجالتك عني اللي كل شوية يهددوني، عشان لو حصلي حاجة هتبقى في وشك".
وأضافت: "ثانيا أنت بتقول إني أنا ست نحس، وكنت شغالة في مصنع وقفل، واشتغلت مع عكاشة، وقناة الفراعين قفلت، وبعدين جتلك المكتب واشتكتلك، طب يا ترى مكتبك متفقلش هو كمان ليه؟، مش أنا نحس برضه؟".
وتابعت بالقول: "وبعدين إذا أنا كنت هربت من أهلي زي ما أنت بتقول، فأنت بقى هربت من الحكومة يا بيه يا مستشار يا بتاع الحكومة، وبعدين إذا أنت عندك سيديهات ليا أو لغيري فأنا عندي موسوعات ليك، وابقى اسأل الشيخة سلمى النواف في الكويت، ما هي قالتلي على كل حاجة، وقالتلي إن الأمراء كانوا مبسوطين أوي منك، ده أنت طلعت خلبوص أوي".
وقالت: "وإذا أنت كنت مرتضي منصور، فأنا بقى سما المصري، راجل وأرجل منك لإني مجرتشي واستخبيت من الإخوان عشان خايفة منهم، ووقفت في وشهم".
وزادت بالقول: "عاملي راجل أوي يا منصور، إطلع ناظرني في القناة اللي أنت تحبها، عشان أعرف أرد عليك وأعرفك قيمتك".
وتابعت "نسيت أقولك يا مرتضى، أنا مشتغلتش عند أم أحمد، بس اشتغلت عند واحدة تانية أنت تعرفها"، وأكملت سخريتها بوصلة من أغنية "عند أمه ياض .. يا ابن أمك ياض".