معروف: فييرا وجوزيه وجهان لعبده البرتغالي .. وفتح الله عايز حد يراقبه من الزمالك في الملعب

سخر محمود معروف الناقد الرياضي من هزيمة الزمالك امام الاتحاد السكندري في اللقاء المؤجل من الاسبوع العاشر بالدوري والتي انتهت بفوز الفريق السكندري بهدفين نظيفين.
وقال معروف في مقاله بصحيفة الجمهورية ان محمود فتح الله في حاجة الى لاعب من الزمالك لمراقبته وتصحيح اخطاءه كذلك احمد جعفر الذي ظهر باداء سيء في المباراة في الوقت الذي اعتبر فيه فييرا لا يختلف عن مانويل جوزيه مدرب الاهلي السابق.
الى نص المقال:
أثيوبيا:
** إلا نقطة الميه.. لا إسرائيل ولا حتي أمريكا تنفعكم.. هي "النهضة" ورانا ورانا؟!
العامري فاروق:
** مش انت أول واحد يرجع في كلامه.. عبدالفتاح القصري سبقك.. وبرضه صاحبك!!
د. هشام قنديل:
** قبل بناء ألف مدرسة جديدة.. صلح المدارس الموجودة حاليا وهات دكك للتلامذة يقعدوا عليها!!
محمد ناجي جدو:
** حمدا لله علي السلامة رجوعك لمصر.. أكلوك لحما ورموك عظما علي عكازين.
فييرا:
** كل البرتغاليين عينة واحدة.. يتركون فرقهم وسط الموسم جوزيه.. فييرا.. مورينيو.. عبده البرتغالي!!
حسن فريد:
** كنت ملك زمانك.. مالك ومال وجع القلب يا أبوعلي.. دي عصابا يابا!!
محمد أبوتريكة:
** عندك حق.. الفلوس مش كل حاجة.. تركت الدهب والفضة في بني ياس ورجعت للحب والغلابة في ناهيا!!
نادي الاتحاد:
** علي فكرة الزمالك من الجيزة بلد الفراعنة.. واللي يغلبه تحل عليه اللعنة ويدخل النار!!
محمود فتح الله:
** "يفتح الله".. انت محتاج واحد من الزمالك يلعب معاك مان تومان!!
أحمد جعفر:
** فعلا تستاهل 3 ملايين جنيه.. بس من الاتحاد مش من الزمالك!!