زيدان : فوز الزمالك ب6 نقط وأيمن يونس يؤكد هذا النجم رد على منتقديه ومشكلة الزمالك فى قائمته

مهاب ممدوح
أكد محمد زيدان نجم منتخب مصر السابق أن الزمالك حقق هدفه من لقاء اليوم ضد بيراميدز في الدوري هذا الموسم.
وقال زيدان في تصريحاته: "الماتش كان ممتع بس الزمالك كان ذكي في التعامل مع الماتش وفيريرا عرف يحقق هدف الزمالك"
أضاف: "الزمالك مع فيريرا ملامحه بدأت تظهر وبدأ يبقى في التزام واضح في الملعب وده اللي فرق مع الزمالك في الماتش ده اللي بعتبره بست نقط مش بتلاتة بس"
في المقابل قال أيمن يونس:"بن شرقي رد على كل منتقديه لسة انا اللاعب المؤثر والأجنبي المميز في الزمالك وفي مصر كلها وكان مستواه الفني طول الماتش رائع واضح انه عايز يرد على الانتقادات مردش بالكلام رد بالأداء مهم اوي ان اللاعب يقدر يرد"
وأضاف:"تألق بن شرقي اليوم يخليه يستعيد علاقته مع جمهور الزمالك ويبني انه يستمر كدة خلال الفترة المقبلة" .
وواصل:"دفاع الفريقين النهاردة اخطائهم كتير ولكن في النهاية الزمالك كان رائع اليوم وحقق الهدف في النهاية مباراة اليوم ممكن تبقى بداية لعودة الزمالك مرة تانية"
وختم حديثه قائلا:"قايمة الزمالك مقلقة فيها نواقص كتير وأسلوب اللعب تغييره مخاطرة لكن فيريرا نجح انه يساهم في نجاح المغامرة دي" .
حازم إمام الفوز مهم قوي وسط الظروف اللى بيعيش فيها الزمالك
أكد حازم إمام نجم الزمالك السابق أهمية فوز الزمالك على بيراميدز اليوم مشددا على أن الانتصار الأول لفيريرا سيكون فارقا مع الفريق.
قال حازم في تصريحاته عبر أون تايم سبورتس: "فوز الزمالك على بيراميدز مهم اوي في وسط كل الظروف اللي بيعيش فيها الفريق والنهاردة الزمالك ،؛ كان ذكي وقدر يحقق الهدف المطلوب وفيريرا له دور كبير في التزام اللاعبين"
وعن تألق بن شرقي قال: "اهم حاجة الاستمرارية يا فرحتي تلعب ماتش كويس وخلاص 10 ماتشات مفيش لازم تكمل على نفس المستوى وتبني عشان الفترة المقبلة"
من جانبه قال فاروق جعفر إن الانتماء لنادي الزمالك اهم من اي لاعب وهو ما تحقق اليوم من فوز الزمالك على بيراميدز.
أضاف فاروق جعفر: "لعيبة الزمالك فايقة وكمان فيريرا واضح انه صارم وشخصية قوية وطريقة لعبه اللاعيبة بدأت تحفظها بشكل كبير"