ايمن يونس: كارتيرون بدأ بتشكيل غلط وخسر الرهان مهاب ممدوح فتح أيمن يونس ، نجم الزمالك الأسبق ومحلل قناة اون تايم سبورت، النار على باتريس كارتيرون المدير الفني للزمالك بعد خسارة اليوم من سموحة بهدفين دون رد في الجولة التاسعة من الدوري المصري هذا الموسم. وقال أيمن يونس ، في تصريحاته عبر أون تايم سبورتس: "خسارة النهاردة طبعا من يتحملها كارتيرون ، بدأ بتشكيل غلط وخاض رهان غلط وخسر الرهان كارتيرون خسر لعيبة كتير في الفرقة" أضاف يونس : "مش طبيعي تدخل الماتش بكم التغييرات دي ودي مش سياسة تدوير دي سياسة ضياع وعدم انسجام وعدم استقرار" وتابع: "الموضوع باين ومش محتاج حد بيفهم كورة كارتيرون ، بدأ غلط وخسر الشوط الأول كله ومستفادش بأي لاعب لا أساسي ولا بديل ولا حتى ناشئ ولا استفاد من كأس الرابطة نهائي" واختتم نجم الزمالك حديثه قائلا:"بعيدا عن كارتيرون لاعيبة الزمالك مش مركزة لعيبة الزمالك محتاجة تفوق بن شرقي اقعد ع الدكة لحد ما تفوق باستثناء إمام عاشور وشيكابالا محدش جه من لاعيبة الزمالك ولازم يعرفوا قيمة النادي ويحاربوا عشانه كارتيرون قتل وسط الملعب وبسبب قلة الانسجام مكانش عنده حلول هجومية ده بالإضافة لكوارث دفاعية من المباراة اللي فاتت دفاع الزمالك في عيوب كتير ومسافات كتير ومساحات المنافس بيشتغل فيها براحته" فاروق جعفر : كارتيرون صفر و"اللعيبة وحشة" هاجم فاروق جعفر ، نجم الزمالك الأسبق ومحلل قناة اون تايم سبورت، باتريس كارتيرون المدير الفني للزمالك بعد خسارة الفريق ضد سموحة بهدفين دون رد اليوم في إطار منافسات الجولة التاسعة من بطولة الدوري المصري هذا الموسم. وقال فاروق جعفر في تصريحاته عبر أون تايم سبورتس: "كارتيرون النهاردة بيتحمل الخسارة بشكل كامل اللعيبة عليها جزء اه لكن كارتيرون واخد صفر بجدارة" أضاف: "كارتيرون النهاردة عمل أخطر حاجة ممكن تتعمل لعب في التشكيل الأساسي وبدأ غلط ودي مغامرة مش محسوبة ودفع تمنها الزمالك مكانش عارف يصنع أي فرصة محققة طوال الشوط الاول وفي الشوط الثاني كان هناك كوارث دفاعية" وختم حديثه قائلا:"النهاردة أوباما كان المزعج الوحيد لدفاع سموحة في الشوط الأول خرجه كارتيرون بغرابة وزيزو توظيفه في وسط الملعب جعله يفقد خطورته لازم كارتيرون يراجع نفسه هو ورط لاعيبة الزمالك النهاردة في لعيبة كتير اتفاجئت انها في التشكيل الأساسي"