حازم إمام يصرخ على الهواء اللى بيحصل في الزمالك حرام وتغييرات باتشيكو كلها غلط

علق خالد الغندور نجم الزمالك الأسبق على تعادل الزمالك مع دجلة اليوم سلبيا في بطولة الدوري المصري الممتاز هذا الموسم.
وقال الغندور: "متصدر جدول الترتيب تعادل مع متذيل الجدول ولثالث مباراة على التوالي الفريق يفشل في التسجيل رغم كم الفرص المصنوعة"
أضاف: "مستغرب ليه مفيش لاعب كبير دخل يشوط ركلة الجزاء فين ساسي اللي شاط في كأس العالم وفين طارق حامد وفين محمود علاء المسدد الأول في ركلات الجزاء"
وختم حديثه قائلا:"لازم وقفة مع الجميع لاعيبة وجهاز فني لازم وقفة من البداية حتى النهاية لوضع حد لنزيف النقاط في الدوري" .

حازم إمام: اللي بيحصل في الزمالك حرام
هاجم حازم إمام نجم الزمالك الأسبق لاعبي الفريق بعد التعادل مع دجلة سلبيا اليوم.
وقال حازم إمام في تصريحاته عبر اون تايم سبورتس: "الفريق مسيطر على الكرة ولكن اللمسة الأخيرة اللي بتميز دايما شخصية الفرق الكبرى اللمسة الأخيرة اللي بتقول اللاعيبة مركزة ولا لا ولاعيبة الزمالك مش مركزة بقالهم 3 ماتشات"
أضاف: "باتشيكو تغييراته كلها غلط لازم يبقى في لاعيبة شخصية في الملعب زي بن شرقي حتى لو بيضيع فهو بيحاول وده الأهم دايما"
تابع:"يعني ايه لاعيب زعلان انه قاعد على الدكة في الزمالك ما تقعد على الدكة انت في الزمالك وأمام عاشور مش مركز من اول الماتش"
وختم حديثه قائلا:" عبد الله جمعة في ركلة الجزاء كان واقف غلط تماما وكان واقف بكيرف غلط وده السبب في ضياع ركلة الجزاء والتفاصيل دي هي اللي بضيع الماتشات من الزمالك".
الزمالك يستأنف تدريباته غدا استعدادا للترجي

رفض الجهاز الفني للفريق الأول لكرة القدم بنادي الزمالك بقيادة البرتغالي باتشيكو منح اللاعبين راحة بعد التعادل مع وادي دجلة بدون أهداف في مباراة الجولة الرابعة عشر لمسابقة الدوري.
ويستأنف الفريق الأبيض تدريباته غدا على ملعب النادي استعدادا للقاء الترجي التونسي المقرر له يوم السبت في الجولة الثالثة لمباريات دور المجموعات لبطولة دوري أبطال أفريقيا.

ومن المقرر أن تسافر بعثة الزمالك إلى تونس مساء يوم الأربعاء المقبل استعدادا لمواجهة الترجي المرتقبة.