ألبوم رفضه نجوم كبار.. عمر كمال يكشف الكواليس ويعتب على محمد فؤاد

كشف الفنان عمر كمال عن كواليس تحضيره لألبومه الغنائي الجديد، الذي يعمل عليه منذ فترة، مشوقًا جمهوره لتفاصيله وما يحمله من مفاجآت، وذلك خلال لقائه في برنامج "ET بالعربي"، موضحا أنه فوجئ لاحقًا بأن الألبوم الذي كان يعمل عليه في الأصل مخصصا للفنان محمد فؤاد، قائلاً إنه لم يكن يعلم بذلك في البداية، واكتشف الأمر بعد تسجيله أكثر من أغنية من الأغاني التي كانت ضمن المشروع.
وتابع: "الألبوم كان بتاع محمد فؤاد، لما جالي وبدأت اشتغل فيه مكنتش أعرف في الأول عرفت بعد ما سجلت كذا أغنية، منطتش على الألبوم أو سرقته الأستاذ محمد فؤاد هو اللي رفضه وهو اللي عمل مشكلة مع المنتج وضحى بكل الأسماء والأغاني الحلوة".
اقرأ أيضا| a href="https://akhbarelyom.com/news/newdetails/4710857/1/%D8%B9%D8%B1%D8%B6-%D9%86%D8%A7%D8%AC%D8%AD-%D9%84%D9%81%D9%8A%D9%84%D9%85-%D9%81%D9%84%D8%B3%D8%B7%D9%8A%D9%86-36-%D9%81%D9%8A-%D9%85%D9%87%D8%B1%D8%AC%D8%A7%D9%86-%D9%84%D9%86%D8%AF%D9%86-" target="_blank" title="عرض ناجح لفيلم "فلسطين 36" في مهرجان لندن السينمائي"عرض ناجح لفيلم "فلسطين 36" في مهرجان لندن السينمائي
وأكد عمر كمال أن الألبوم عرض على مطربين قبله قائلا: " لما سألت عن قصة الألبوم اتقالي أنه اتعرض على وائل جسار وهيثم شاكر وبسبب المقابل المادي حصل اختلاف، في منهم واحد طلب في الأغنية 50 ألف دولار كأداء صوتي يعني ما يقرب من 30 مليون جنيه مصري في الشريط ال12 أغنية، في مطرب تاني طلب حوالي 30 ألف دولار يعني مليون ونص في الأغنية مثلا غير اللي المنتج صرفه وعمله ولسه هيعمله من دعاية وتصوير يعني عايز 15 مليون جنيه في إيده بس عشان يغني".
عمر كمال: مكلمتش محمد فؤاد عشان هو زعلان مني
تحدث الفنان عمر كمال عن كواليس إنتاج ألبومه الجديد، كاشفًا أن تكلفته تخطت ال20 مليون جنيه مصري، مؤكدًا أنه لم يتقاض أي أجر نظير مشاركته في العمل، قائلا: "الألبوم متكلف أكتر بكتير من 15 مليون جنيه مصري، إحنا مصورين 12 كليب وعملنا حوالي 18 أغنية أو 20 طبعا معدي بكتير جدا دا رقم قليل مش أقل من 20 مليون جنيه، لما قعدت مع صناع الألبوم قلت لهم مش هاخد ولا قرش أنا نفسي أغني للناس دي وأعمل الألبوم دا أنا عامل الألبوم دا بدون أي مقابل عامله بحب".
وأوضح عمر كمال أنه لم يتواصل مع الفنان محمد فؤاد بعد أن علم بأن الألبوم الذي كان يعمل عليه مخصص له، مشيرًا إلى أنه يعتب عليه كواحد من جمهوره بسبب غيابه الطويل عن الساحة الفنية، قائلا "مكلمتوش عشان هو أكيد هيكون متضايق مني وزعلان بس كانت في إيدك كان بتاعك أنا زعلان منه وجمهوره زعلان منه بعيد عن عمر المطرب، هو عارف كويس جدا إني كنت من 22 سنة بقف قدام مكتبه واستناه وكان بيعمل حفله كل سنة في "دريم بارك" الساعة 9 بالليل أروح من الساعة 11 الصبح حاطط البوستر بتاعه فوق راسي مستنيه 11 ساعة عشان بس أسلم أو إيدي تلمسه".
وأضاف: "لو بيشبهوني بمحمد فؤاد أو أنا تلميذ فؤاد الشاطر حتة فؤاد فاضية وفي جمهور كبير تايه ومحتاج اللون دا هو طول عمره ليه هوية وابن بلد وكان صوت مصر الهوية بتاعته ولونه كان محبوب من كل الناس ومفيش حد بيقدم دلوقتي شكل الدراما اللي كان بيقدمها ولا شكل أغاني الحب اللي كان بيعملها هما بيقولوا السكة دي فاضية، وليه عمر ميكونش فؤاد جديد مش عيب".