بدرية طلبة: «قالوا إني قتلت جوزي وبعت أعضاءه.. والنقابة موقفتش معايه»

قالت الفنانة بدرية طلبة، إنها اضطرت للخروج عن صمتها والرد على الاتهامات التي طالتها عبر مواقع التواصل الاجتماعي، بعدما زعم بعض الأشخاص تورطها في "قتل زوجها" والاتجار بأعضائه، بل وادعوا اشتراكها مع الفنانة وفاء عامر في تجارة الأعضاء، واصفة هذه الشائعات بالمؤلمة والصادمة.
وأوضحت بدرية طلبة، خلال استضافتها في برنامج «كلام الناس» التي تقدمها الإعلامية ياسمين عز عبر شاشة mbc مصر، "وفاء عامر مردتش عشان النقابة طلعت قالت أنا متضامنة مع وفاء عامر، أنا محدش وقف معايا، أنا كنت بطولي وسط ناس بيتهموني بقتل جوزي، أنا لو جبل هيتهز".
اقرأ أيضا| بدرية طلبة تخرج عن صمتها: «معملتش سحر أسود لياسمين عبد العزيز»
وأضافت: "الله أعلم، يمكن النقابة شايفين إنهم باللي عملوه وقفوا معايا، لما ياخدوا قرار نلم الموضوع وتعالي نحقق معاكي، وأنا اتبسطت لأني وريتهم الفيديوهات مع المحقق، وشافوا واتكتب إن الفيديوهات مختزل منها مش عيبي، ده عيب اللي بيحفر ورا الفنانين عايز يطلعهم وحشين".
وطالبت بدرية طلبة بحماية الفنانين قائلة: "ده اللي بقوله للنقابة، لازم النقابة يبقى في فريق دفاع عن الفنانين ويبقى في سوشيال ميديا ترد على إهانة الفنانين".