طليقة سامح عبد العزيز: «يا رب ما اكونش قصرت في حقك»

عبّرت الفنانة داليا فرج، طليقة المخرج الراحل سامح عبد العزيز وأم بناته، عن حزنها العميق لوفاته، متمنية أن يكون خبر رحيله مجرد كابوس وليس حقيقة، وذلك عبر منشور على صفحتها الشخصية في موقع التواصل الاجتماعي "فيس بوك".
وكتبت داليا على صفحتها الشخصية قالة: "اللى بينا حاجة مافيش غيرنا فاهمها، فاهمين تفاصيل بعض، وبنفهم بعض من نظرة، نتخانق بقى نزعل نحلف ما انكلم بعض تانى تقريبا ونص الصيام اللى بصومه رايح على الحلفان، وأول ما تكلمنى أنسى وأصالحك على طول عشان عارفة إن قلبك طيب، بيبى كبير وضخم وعشان اللى جوانا بتاعنا إحنا وبس".
وتابعت: "مش حاجة ممكن تفهموها أو تسموها، لينا تأثير قوى على بعض وفيه حته جوة كل واحد فينا للتانى خاصة ومختلفة، عشرة عمرى حبيبي أبو بناتي، رغم انك مشيت بس اللى مريحنى إن آخر 20 يوم كنا مع بعض كلنا على طول".
اقرأ أيضا| عمرو عبد العزيز يعترف بالندم على مشاركته في فيلم «دعدوش» | خاص
وأختتمت حديثها قائلة: "يا رب ما اكونش قصرت فى حقك، هتوحشنى أوى يا حبيبى يا غالى زى ما كنت بأقولك دايما انت الغالى وترد حبيبتى، مش مصدقة إنى باقولها.. ربنا يرحمك يا حبيبى ويسكنك فسيح جناته ويقدرني على المسئولية، نفسى أنام وأصحى ألاقى ده كابوس و مش حقيقى، بدرى أوى أوى يا حبيبى، لا إله إلا الله.. هتوحشنى يا موحه".
من هو المخرج سامح عبد العزيز
يشار إلى أن المخرج سامح عبد العزيز تخرج من المعهد العالي للسينما عام 1996 وبدأ حياته في إخراج البرامج، ثم اتجه إلى السينما، وأخرج فيلم أبو شنب من تأليف خالد جلال وبطولة ياسمين عبد العزيز.
ومن أعماله أيضًا في السينما فيلم: " درس خصوصي، أسد وأربع قطط، الفرح، حلاوة روح، الدشاش"، وفى التليفزيون نذكر على سبيل المثال مسلسل "شهادة معاملة أطفال، رمضان كريم الجزء الأول في عام 2017، خيانة عهد، حرب أهلية".