«كل يوم في مستشفى».. مسلم يعلن تعرضه لوعكة صحية

كشف المطرب مسلم عن تعرضه لوعكة صحية خلال الأيام الأخيرة، عبر حسابه الرسمي بموقع الصور والفيديو "إنستجرام".
وأكد مسلم خلال حديثه إلى أن الأطباء عجزوا عن تفسير حالته، قائلا: "مكنتش متخيل إن في حد يأذي حد بالطريقة دي جدا حسبي الله ونعم الوكيل".
وتابع مسلم: "أنا حقيقي كل يوم في مستشفى شكل وعمل رسم قلب وعمل كل حاجة وميظهرش حاجة في الكشف، طب من إيه؟".
واستكمل مسلم: "الطب نفسه مش عارف يشخص حالتي، يا رب أنت أقوى من أي حاجة، وأنت عارف إني إنسان نضيف ومليش في الأذية ولا أعرف العدوان".
واختتم مسلم: "اقف جنبي وحق لا اله الا الله، أنا بقف جمب أي حد يحتاج حاجة مني، وأكون في المقدرة عليها هعملها يا رب".
مسلم يعتذر لنقابة الموسيقين: أنا بيتي اتخرب لما اتوقفت
في سياق أخر خرج المطرب الشعبي مسلم، باعتذار لنقيب المهن الموسيقية مصطفى كامل، وأعضاء النقابة وذلك بعد اتهامه لهم بعدم مراعاة حالته الصحية ووقفه عن الغناء دون استدعائه.
وقال مسلم عبر ستوري حسابه الرسمي بموقع إنستجرام: الفيديو ده بقدم فيه اعتذاري للنقابة والنقيب مصطفى كامل، ولو كنت دعيت عليك أو حاجة ده بسبب إني شاب لوحدي، وكنت تعبان وملقتش حد يقف جمبي في تعبي، وبيتي اتخرب في الفترة اللي اتوقفت فيها عن الغناء.
وأضاف مسلم: كان أقل طموحي إني أشتغل زي زمايلي، بعتذر لك وأنا زي ابنك وأنا قد اعتذاري حتى لو مش هشتغل، ومشتمتش حد أنا قولت حسبي الله ونعم الوكيل بس، وانتوا بيتي وأهلي وأستاذ مصطفى من وقت ما مسك النقابة وهي في تطور.