رغم خروجها من المستشفى.. أحمد زاهر: حالة ملك لم تتحسن

أثار الفنان أحمد زاهر قلق الجمهور حول حالة ابنته ملك الصحية رغم خروجها من المستشفى إثر تعرضها لأزمة صحية مفاجئة مشيرًا إلى أنه لم يتم تحديد سبب حالتها الصحية حتى الآن.
وأوضح زاهر في تصريحات إعلامية: "ابنتي ملك غادرت المستشفى رغم أن حالتها الصحية لم تتحسن ولم يكشف الأطباء السبب الرئيسي وراء مرضها"، مضيفًا: "يارب نفهم هي عندها إيه عشان نعرف نعالجها".
هدى زاهر توضح تطورات الحالة الصحية لابنتها
وكانت هدى زاهر قد كشفت عن الحالة الصحية لابنتها معلنة خروجها من المستشفى موضحة عبر خاصية استوري على صفحتها الشخصية على انستجرام قائلة: "ملك خرجت ولله الحمد والشكر من يومين وفي انتظار تقارير الاطباء عن الحالة بالظبط هي أحسن وهتكون أحسن ببركة دعائكم ليها ومحبتكم" مضيفة: "ان شاء الله التحاليل الاخيرة تعرفنا ايه السبب اللي عمل فيها كدة وأنا متفائلة بالله جدا وعارفة أن رب الخير لا يأتي الإ بالخير".
وتابعت قائلة: "الحياة بتستمر والشغل والالتزامات بتستمر رغم كل الظروف".
الأزمة الصحية لملك زاهر
وكانت الفنانة ملك أحمد زاهر قد كشفت تفاصيل الحالة الصحية لها عبر خاصية استوري صفحتها الشخصية على «انستجرام»، قائلة: "أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي".
وأضافت : "أنا بحكى الكلام ده عشان تعرفوا بس إن حياتي فيها الحلو والوحش والله زى أي حد بس أنا بحب دايما أشير الحلو بس وغالبا ده غلط فقررت أشارككم كمان الوحش" موضحة : "مع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة وإن شاء الله هخف وكله هيكون تمام".