خاص| سلوى محمد علي عن انفصال السقا ومها الصغير: الحدوتة خلصت

علقت الفنانة سلوى محمد علي على خبر انفصال أحمد السقا عن زوجته الإعلامية مها الصغير، مشيرة إلى أن ما حدث كان نتيجة حالة ارتباك عاشها السقا، وأنها تتفهم ذلك تمامًا، وأكدت أن من حق كل من الطرفين اتخاذ قرار إنهاء العلاقة.
وقالت سلوى محمد في تصريحات خاصة ل "بوابة أخبار اليوم": "كل شيء نصيب، واللي بيحصل بين الزوج والزوجة محدش يعرفه حتى الزوج والزوجة نفسهم مش بيبقوا عارفين".
وتابعت: "ومن حق أي طرف إنهاء العلاقة، ومن حق الطرف الآخر أن يرتبك ويعبر عن ارتباكه، وأحمد السقا مش هنشوفه النهاردة ولا إمبارح، لأحمد السقا له تاريخ معانا كجمهور وزملاء من الجدعنة واللطف، وعمرنا ما سمعنا منه هو شخصياً أي أسرار عن بيته، ولما يحصل إن واحد عنده التاريخ ده ويرتبك، كلنا بنستوعب، ولما تحصل إن الست مش عايزة تكمل، لازم نستوعب ده بردو".
اقرأ أيضا| a href="https://akhbarelyom.com/news/newdetails/4635286/1/%D8%A8%D8%B4%D8%AE%D8%B5%D9%8A%D8%A9-%D9%85%D8%AB%D9%8A%D8%B1%D8%A9-%D9%84%D9%84%D8%AC%D8%AF%D9%84-%D8%B3%D9%84%D9%88%D9%89-%D9%85%D8%AD%D9%85%D8%AF-%D8%B9%D9%84%D9%8A-%D8%AA%D8%B4%D8%B9%D9%84-%D8%A7%D9%84" target="_blank" title="بشخصية مثيرة للجدل.. سلوى محمد علي تشعل الأجواء في "فات الميعاد"| خاص"بشخصية مثيرة للجدل.. سلوى محمد علي تشعل الأجواء في "فات الميعاد"| خاص
وأضافت: "أحنا وصلنا إن المسألة اتقسمت، ناس مع السقا وناس ضده وأنا في الحقيقة قادرة أستوعب الطرفين ومتفهّمة موقف الاثنين".
كما تحدثت عن الطريقة التي أعلن بها السقا انفصاله، موضحةً: "هو ارتبك ومش هحكم عليه من موقف، وأحمد السقا نجم كبير، وهو من أكتر النجوم اللي أدو فرص لنجوم معاهم في التمثيل وأداهم مساحتهم الكاملة عشان ينطلقوا في التمثيل، ودي في حد ذاتها جدعنة منه، ولما يحصل موقف ويرتبك، مقدرش أقيم الموقف ده، وأنا كسلوى مدياله حق الارتباك، ومديالها هي كمان حق الانفصال، وإنها تبدأ حياتها الجديدة، والحدوتة بتبقى كده ساعات محدش بيكون غلطان، والحدوتة خلصت خلاص".