"عملولي خصم رائع".. مفيدة شيحة تتحدث عن رحلتها مع الحج

نشرت الإعلامية مفيدة شيحة عبر صفحتها الشخصية موقع تبادل الصور والفيديوها "إنستجرام"، مقطع فيديو ظهرت فيه أثناء تواجدها في الأراضي المقدسة، وهي تؤدي مناسك فريضة الحج، وشاركت من خلاله جمهورها هذه اللحظات الروحانية.
وظهرت مفيدة شيحة في مقطع فيديو تتحدث فيه عن تفاصيل اتخاذها قرار أداء مناسك الحج هذا العام، موضحة كيف جاءت هذه الخطوة، قائلة: "مش عايزة أقولكم أنا سعيدة قد إيه ولازم أقولكم الفكرة بتاعة الحج جات إزاي".
وتابعت: "أنا مكنتش بحلم إني أحج لأن بصراحة كانت الظروف وقتها وفاة ماما والعزاء والدنيا ملخبطة مع جواز منة، يعني الظروف مكانتش تقول أن يبقى معايا القدرة المادية أو المالية أنه ربنا يكرمني بحج كمان، معرفش إيه اللي حصل كنا قاعدين في ختمة القرآن تاني يوم ما أمي توفت الله يرحمها وكانت دعاء فاروق قاعدة وبقولها يا دعاء أنا نفسي أحج، قالتلي طيب هشوف الشركة اللي أنا داخلة معاها وممكن ربنا ييسر قلت لها طيب
وتابعت مفيدة شيحة: "المهم بعدها بأسبوع ربنا كرمنا بالموافقة واتيسر الحال وعملولي خصم رائع اعتقد أن الخصم اللي اتعملي دا بدعاء أمي مش لأن أنا مفيدة، ألف حمد وشكر وقدرت إني أسدد اللي عليا، اللي حبيت أقوله أن محدش ييأس من رحمة ربنا مفيش حاجة مستحيلة لما الواحد بيكون في نيته وقلبه بجد ونفسه جدا جدا يحج ربنا بيسهله الحال".
View this post on Instagram
A post shared by Mofida Shiha - مفيدة شيحة (@mofidashihaofficial)