هنا الزاهد: صعب حد يدخل حياتي تاني

حلت الفنانة هنا الزاهد ضيفة في برنامج "ABtalks" الذي يقدمة الإعلامي أنس بوخش، الذي تم عرضة عبر قناته الشخصية "يوتيوب"
أوضحت هنا الزاهد التغييرات التي طرأت على شخصيتها بعد الزواج، قائلةً: "اكتشفت إني لازم أحافظ على قلبي جدا، وهيبقى صعب جدا حد يدخل حياتي".
وتابعت: "عارف لما تبقى قلبك اتكسر أوي، هو حصل له كده، رممته لوحدي وأهلي كإنهم رمموني ووقفوني على رجلي، بس بالليل وإنت نايم لوحدك بتبقى لوحدك. ومفيش حد هيدخل حياتي إلا لو عارفة إنه صح أوي".
وصرّحت هنا الزاهد بأنها لا تعاني حالياً من أي عقد نفسية، مؤكدة: "أنا في أسعد فترات حياتي، والفترة دي مركزة في إني أسعد هنا، وأي حاجة كنت نفسي أعملها بعملها".
وعن أهم الأشياء في الزواج، قالت: "أهم شيء في الجواز الاستقرار والأمان، وأصعب شيء الفتور لما المشاعر تخلص، بتبقى حياة وحشة".
في إجابة على سؤال حول كيفية الحفاظ على استمرارية المشاعر في الزواج، قالت هنا الزاهد: "لازم الإنسان يبقى صادق جدا، ولما يبقى عايز يبعد يقول عايز أبعد، ولازم نقول لبعض كل حاجة، وأنا شايفة إن اللي بيحب بجد عمره ما يزهق من اللي بيحبه".
وأضافت: "ما ينفعش يبقى في أنانية، ولازم تفهم أوي اللي قدامك ويفهمك، ويبقى في إخلاص، ومفيش خيانة بأي الأشكال".
وعن الغيرة في الزواج قالت هنا الزاهد: "الغيرة حلوة بس مش الغيرة القاتلة، لو في فتور ومفيش غيرة بتبقى وحشة، وإنك تنام واثق في اللي قدامك إنه عمره ما هيخذلك دي حلوة أوي".
اقرأ أيضا | هنا الزاهد عن انفصالها: تجربة لا أتمناها لأحد