فريدة سيف النصر: «الفنانين الكبار مفيش حد سد مكانهم»| خاص

كشفت الفنانة فريدة سيف النصر تفاصيل مهمة لأول مرة عن حياتها الفنية وعن الأدوار التي تشبهها بأعمالها والتحديات الي واجهتها في مجال الفن.
وقالت فريدة سيف النصر في تصريحات خاصة ل«بوابه أخبار اليوم»: "جميع الشخصيات فيها حاجه تشبهني في الحقيقه وإلا مكنتش وافقت عليها عشان امد ايدي جوه نفسي واطلع الحاجات دي وفي حاجات بتركنيها جوه مشاعر ومشاكل ومواقف لو مكنش فيها حاجه مني وحاجه توجعني وتستفزني مكنتش وافقت عليها ".
وعن أصعب الأدوار بالنسبه لها قالت :"في أدواري مش بيبقي في حاجه صعبه لاني بتحول ببقي انا الشخصيه دي ،والتحديات الي واجهتني فعلا، وهي من ساعه ما الناس بدأت بتروح والفنانين الكبار الي مشيوا مبقاش في حد يسد مكانهم".
وكشفت الفنانة فريدة سيف النصر تفاصيل مهمة لأول مرة عن حياتها الفنية والأشخاص الذين قاموا بتشجيعها على دخول المجال، وقالت فريدة سيف النصر: "محدش شجعني على دخول الفن ومحدش كان موافق خالص وكانوا عايزني أخلص دراستي ويبقى معايا شهادة الأول".
وأضافت: «لكن المخرج جورج سيدهم لما جه لبابا وسمير غانم قالوله لازم فريدة تبقى بطلة مسرحية فرقة ثلاثي أضواء المسرح بتاعتنا وكان ربنا عايز ده وكنت متدربة على المسرح وكان جورج وسمير غانم الحقيقة اللي شجعوني وحسن عبد السلام الله يرحمه".
وقدمت فريدة سيف النصر العديد من الأعمال الفنية في السينما و الدراما المصرية، حيث أن أهم أعمالها في الدراما التليفزيونية مسلسل " العائلة "، " الشارع الجديد "، " أوراق مصرية "، " العطار و السبع بنات "، " الرحايا "، " بيت الباشا "، " وادي الملوك "، " بدون ذكر أسماء "، " الأب الروحي "، " حواديت الشانزليزيه "، " الفتوة "، " موسى "، " رانيا و سكينة "، " عملة نادرة "، " جعفر العمدة "، ومسلسل العتاولة في رمضان الماضي 2024.
اقرأ أيضا|بروج أحمر ونظارة سوداء.. أمينة خليل في إطلالة مختلفة| صور