هند صبري تكشف سبب رفضها دخول ابنتيها مجال التمثيل

تحدثت الفنانة هند صبري خلال لقائها ببرنامج «الراديو بيضحك» عبر إذاعة «الراديو 9090»: " عن ابنتيها وعن رأيها في دخولهما مجال التمثيل.
وقالت هند صبري :"بنتي الصغيرة بتحب تصميم الأزياء وبتخيط اتعلمت الخياطة وبتخيط لبسها، والكبيرة بحسها ممكن تمثل بس أنا بحاول أكرههم في الموضوع لأنه مش سهل وفيه ظلم لحاجات كتير في شخصيتك وحياتك ومش عايزاهم يعدوا بده، في الآخر دا قرارهم وحياتهم وزي ما أهلي سابوني اختار أنا هحترم أي قرار ليهم لكن أنا مش نفسي يدخلوا المجال دا".
وتابعت هند صبري متحدثه عن ابنتيها: "أن انتي تربي بنات في جيل الإنترنت والسوشيال ميديا صعب جدا، أنا بحاول على قد ما أقدر أوريهم الصورة من وجهة نظري أنا تعليقات سلبية مثلا بوريهالهم عشان يشوفوا عيوب مواقع التواصل الاجتماعي، دلوقتي كل سنة بتعدي أنا بناتي 14 و12، بحس أن الكبيرة بتيجي تحاسبني ليه مروحتيش مهرجان مثلا أنا من الناس اللي بتكسل، تقولي لأ لازم تفوقي لنفسك كله بيلبس فساتين ويتصور وأنتي قاعدة في البيت".
وأكملت هند صبري: "مش عارفة هيبقوا أشطر مننا ولا لأ ساعات بحس أن هما هيبقوا أقوى وساعات بحس أن كل حاجة جاتلهم بسهولة شديدة، إحنا كنا عشان نروح فيلم يا نروح سينما يا نستنى أنه ينزل التليفزيون فبتتعلمي الصبر لكن هما كل حاجة سهله فبشوف أنهم جيل معندوش صبر ودي حاجة قلقاني شوية".
اقرأ أيضا| شاهد البرومو الرسمي لمسلسل «العتاولة 2» | رمضان 2025
وكانت بي بي سي اختارت هند صبري باعتبارها واحدة من أشهر النساء في السينما العربية، ضمن قائمة تضم 100 امرأة ملهمة ومؤثرة حول العالم لعام 2024.
وجاء في تقرير بي بي بي، أن هند صبري لها دور رائد في الفيلم النسوي "صمت القصور" (1994)، حيث يعتبر بمثابة استكشاف للاستغلال الجنسي والاجتماعي الذي تواجهه المرأة في تونس.
وأصبحت هند صبري أول امرأة عربية تعمل كعضو لجنة تحكيم في مهرجان البندقية السينمائي في عام 2019.
ومؤخراً لعبت دور البطولة في فيلم "بنات ألفة"، والذي اختير لتمثيل تونس في جوائز الأوسكار عام 2024، ورُشح لأفضل فيلم وثائقي.
اقرأ أيضا|تامر حسني يصدر بيانًا يحذر فيه جمهوره من استغلال اسمه