قال الفنان القدير سامي مغاوري أن الجيل الجديد من الفنانين يختلف كثيراً عن الاجيال السابقة فالجيل الحالي يعيش زمنه بالنجومية والشهرة أما الاجيال السابقة اساسهم حب التمثيل وتوظيفه للحياة. تابع خلال لقاء عبر برنامج "كلمة أخيرة" الذي تقدمه الاعلامية لميس الحديدي على شاشة " ON":" الجيل القديم مكنش بيمثل علشان يمثل لكن كما قلت فيه ناس في الجيل القديم مثلوا شوية وإختفوا لكن فيه ناس زي محمود عبد العزيز ومحمود ياسين وعادل إمام كانوا واعيين بدورهم كفنانين مش بيمثلوا علشان يظهروا في المجلات والتلفزيون لكن يمثلون لانه متعه وفن وثقافة ورسالة ". ورداً على سؤال الاعلامية لميس الحديدي هل مازال التمثيل متعه لك ؟ ليرد قائلاً : " متعة إلى حد ما وأنا بحاول أن اجعله متعة " وقاطعته الحديدي هل لازلت تمثل من أجل أن لاتنسى ولا من أجل أنك مؤمن بأن هناك شيء حلو وكويس أنت بتقددمه ليرد قائلاً : بمثل علشان حاجه حلوة بقدمها ومقدرش أستغنى عن المهنة أنا مش من الجيل الي يعتزل يفتح مطعم أو كافيه لو مابقتش ممثل ماينفعش خالص ". وعن ظلم جيل الكبار وأنه لا يتم كتابة ادوار لهم تخرج كامل طاقتهم قالت الحديدي هل تشعر أن جيلك ظلم ؟ علق قائلاً : " بالطبع جيل إتظلم وأنا شخصيا أتظلمت لان جيلنا مكنش فيه الميديا الموجودة حالياً دلوقتي الاعمال الدرامة واثناء عرض الحلقة الثالثة يتم إستضافة الفنانين ويقولوا تعبنا وعملنا لكن في جيلنا مكنش فيه الميديا وأتذكر أن في جيلي لو ناقد كتب عني مقاله أنزل أجيب سبع ثماتنية مجلات وأجيبهم عند قرابي وكنت اسعد بكلمة اجاد في عمل كذا ". تابع: الان الوضع مختلف العالم كله بيشاهد مكنش فيه الميديا الحالية وإحنا كجيل مخدناش حقنا والان أيضا الورش الفنية بتكتب الادوار لشخص واحد أو واحدة لنجم أو نجمه ودي ليها ظروفها الاقتصادية وبالتالي العمل كله بيكون لهذا النجم أو النجمة وحواليهم 2 او 3 والباقي مساندة ويقلولي تعالى ضيف شرف منقدرش نستغنى عنك والدور بيبقى يومين وده مايقال لنا الان ". واصل: جيل أسامة عكاشة ومحسن زايد ومحمد جلال عبد القوي العمل يكتب ويسلم للمخرج ويبدا يقول عاوز فلان وفلان وكلنا على ترابيزة واحدة معانا 15 حلقة وإحنا قاعدين يتم إختيار الادوار والترشيح لكن العمل كله بيتم إستلامه لكن انا دلوقتي باخد شغلي على الواتس اب مش الاسكربت كله فيما عدا السينما او ادوار معدودة زي نعمه الافوكاتو جالي الاسكربت كله ". اقرا ايضا | سامي مغاوري يكشف سبب استمراره في الفن 50 عامًا
