ببساطة.. اعرف كيف قدّرت دار الإفتاء قيمة زكاة الفطر لهذا العام

أوضحت دار الإفتاء المصرية بشكل مبسط وبلغة عامية كيف قدرت الدار قيمة زكاة الفطر لهذا العام.
وقالت الدار: "حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر. بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا. طيب سعر أردب القمح كام السنة دي 2000 جنيه مصري من أحسن الأنواع وأردب القمح فيه 150 كيلو يبقى سعر الكيلو كام 13.33 ثلاثة عشر جنيه وثلاثة وثلاثون قرشًا تقريبًا".
اقرأ ايضا : المفتي يوضح حكم إخراج زكاة الفطر من أول رمضان
وتابعت بطريقة يسهل فهما للجميع:" طيب والزكاة أد ايه في القمح ( 2.04 كيلو) يبقى نضرب 2.04كيلو * 13.33 يطلع الناتج 27.19 جنيه مصري .
وواصلت: "إنه 35 جنيه يعني زودت كمان عن الحد الأدنى بشويه و35 جنيه الحد الأدنى (يعني طلع أكتر من 35 جنيها لو معاك ودخلك يسمح لك) بس اللى مش هيقدر فأقل حاجه يطلعها عن الفرد 35 جنيه".
واستكملت دار الافتاء شرحها بالعامية المصرية قايلة: "طيب أنا شايف إن 35 جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن 35 جنيه ولا تلزم غيرك يطلع زيك لأن ممكن يكون غير قادر كمان تقدر تطلعها فلوس لا تشتر بها شيء لأن بعض الناس مفكره إن ناخد الفلوس نشتري بها أرز مثلا لأ طلعها فلوس وربنا يتقبل منك كمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم".