650 ألف قائمة المنقولات.. ننشر أقوال زوجة شاكوش في تحقيقات النيابة العامة

كلام متناقض بين كل من حسن شاكوش وزوجته ريم صادق، أحدهم يتهم الآخر بالسرقة وتزوير أوراق رسمية، وفي السطور التالية سنعرض أقوال "ريم صادق" زوجة حسن شاكوش في تحقيقات النيابة العامة، والتي حصلت عليها "بوابة أخبار اليوم".
اقرأ ايضاً .. إخلاء سبيل زوجة حسن شاكوش من تهمة نشر أخبار كاذبة
ما تفاصيل شكواكي؟
«اللي حصل إن يوم الاثنين حصل ما بيني وبين جوزي مشاكل فطردني من البيت، ويوم الثلاثاء أنا وكان معايا والدتي وولاد خالتي روحنا البيت بتاعي وما رديش يدخلنا وأنا كنت سايبة في البيت الذهب بتاعي وقائمة المنقولات والمنقولات نفسها ووصل أمانه هو كتبه على نفسه 500 ألف جنيه علشان قال الماذون ما يخدش فلوس كثير، واحنا اتكلمنا معاهم أنا وأهلي وما تفقناش على حاجة وعملت المحضر امبارح».
- متي وأين حدث ذلك ؟
يوم الاثنين 2023/5/1 كان حوالي الساعة التاسعة صباحاً، جوزي طردني من البيت وكانت حاجتي اللي قلت عليها كانت موجودة في البيت ويوم الثلاثاء 2023/5/20 هو منعني من دخول البيت.
- من ما علاقتك بالمشكو في حقه؟
هو جوزي
وهل لديك الثبات جوازك من المشكو في حقه؟
ايوة احنا متجوزين رسمي 2023/3/10 بس مش معايا القسيمة دلوقتي مستعدة اجيبها
- اين يقع مسكن الزوجية؟
هو موجود في فيلاتي في كمبوند ليك دريم – طريق مول مصر
-من كان برفقتك أنذاك ؟
أنا لما طردني كنت لوحدي ولما روحت ثاني علشان آخد حاجتي كان معايا ووالدتي وابن خالتي محمد عزت وأخويا محمد صادق.
- ما مناسبة تواجدك بالمكان والزمان سالفي الذكر ؟
أنا كنت رايحة علشان آخد هدومي وحاجتي ونتفق على حل المشاكل وده كان يوم الثلاثاء.
- ما هي المنقولات الزوجية وقدرها محل مسكن الزوجية؟
أوضة نوم وأوضتين أطفال وسفرة وانترية وركنة وأجهزة كهربائية وسجاد ونجف وتربيزات وستائر ومعرفش هما يقدروا بكام.
وما هي المصوغات الذهبية وقدرها المتروكة بمسكن الزوجية والمقدرة بقائمة المنقولات؟
طقم عقد وانسيال وخاتم ومش عارفه بكام دول في البيت، وباقي الذهب معايا وهما يعملوا ثلاثمائة وخمسون جراما.
- وما هي قيمة المنقولات المدونة بقائمة المنقولات جميعها؟
- ستمائة وخمسون الف جنيها.
-وما هي متعلقات الشخصية التي تقصدين وكم قدرها؟
- هي هدومي كلها وشنطي وأحذيتي ومكياجي والحاجات الخاصة بيا وما عرفش هما بكام.
-ما هو موضوع إيصال الأمانة المنوه عنه بصدر التحقيقات؟
-إيصال الأمانة دي بخمسماته ألف جنيه وجوزي كتبه علشان مكتبش مؤخر في قسيمة الزواج وقال المسمى بينا وقال علشان ما يدفعش فلوس كتير للماذون.
- وأين هي المنقولات سالفة الذكر والمصوغات الذهبية وايصال الأمانة وامتعتك الشخصية؟
-الحاجة كلها موجودة في البيت وهو مش عاوز يدهالي.
-وهل بينك وبين سالف الذكر ثمة خلافات من قبل؟
-خلافات زوجية عادية
-وما قصد المشكو في حقه من اتيانه تلك الأفعال ؟
- هو قصده يبدد منقولاتي ويسرق متعلقاتي الشخصية وايصال الأمانة اللي هو كتبه على نفسه.
-من وكيف وقفت على ذلك القصد ؟
- من خلال اللي عمله معايا
- هل لديك أقوال أخرى؟
- لا