نص التحقيقات.. ماذا حدث بين حسن شاكوش وزوجته ريم صادق؟ | خاص

أزمة حسن شاكوش وريم صادق زوجته إشتعلت في أوائل شهر مايو الحالي، وباشرت نيابة أكتوبر الكلية التحقيقات فيها، حيث إتهمت ريم صادق بخيت زوجها حسن منصور الشهير ب حسن شاكوش، لقيامه بالإستيلاء على قائمة منقولاتها ومشغولاتها الذهبية، وإيصال أمانة قيمته خمسمائة ألف جنيه بديل لمؤخر الصداق وكذا قيامه بطردها من منزل الزوجية بكمبوند شهير بأكتوبر، تاركة كل منقولاتها الزوجية وملابسها ومتعلقاتها الشخصية.
جبلك مرض بعد سنة ونص.. تفاصيل جديدة في أزمة حسن شاكوش وزوجته|خاص
سيدة في القاهرة تتهم طبيب نساء بمساومتها على الحرام: الرذيلة مقابل الإجهاض
نص أقوال زوجة حسن شاكوش في التحقيقات
وبسؤال ريم صادق زوجة حسن شاكوش، أمام نيابة أكتوبر الكلية بتاريخ 5 مايو خلال تحقيقات النيابة، قررت بقيام زوجها حسن شاكوش بالإستيلاء على قائمة منقولاتها ومشغولاتها الذهبية وإيصال الأمنة، وأنها تقدمت ببلاغا راغبة في إتخاذ الإجراءات القانونية حيال ذلك.
وقالت ريم زوجة حسن شاكوش خلال تحقيقات النيابة، يوم 1 مايو الصبح حصل مشاكل بيني وبين جوزي وطردني من البيت، وتاني يوم روحت أنا وماما وولاد خالتي البيت تاني ومرديش يدخلنا وأنا كنت سايبه هناك الدهب بتاعي والقايمة والمنقولات نفسها، وإيصال أمانة هو كاتبه على نفسه بنص مليون جنيه، عشان قال المأذون هياخد فلوس كتير عشان المؤخر وأتكلمنا أنا واهلي معاه وموصلناش لحاجة وعملت المحصر.
وتابعت زوجة حسن شاكوش خلال التحقيقات، انا إتجوزت حسن يوم 10 مارس 2023، والمنقولات عبارة عن أوضة نوم وأوضتين أطفال وسفرة وأنتريه وركنة وأجهزة كهربائية وسجاد ونجف وترابيزات وستائر وتقريبا تمنهم 650 ألف جنيه، ومشغولاتي الذهبية طقم ذهبي - عقد وأنسيال وخاتم - وبردو مش عارفة بكام بس هما 53 جرام.
حسن شاكوش وزوجته
زوجة حسن شاكوش: قائمة المنقولات ب 650 ألف جنيه
وأضافت زوجة حسن شاكوش خلال التحقيقات، إيصال الأمانة ده حسن كتبه عشان مكتبش مؤخر في قسيمة الزواج وقالي المسمي بيننا وقال علشان مدفعش فلوس كتير للمأذون، وهو كان قاصد أنه يبدد المنقولات ويسرق حاجتي وكمان إيصال الأمانة.
وقررت نيابة أكتوبر، صرف ريم صادق من سراي النيابة وطلب حسن شاكوش للإستماع إلى أقواله، وإنتداب المباحث للإنتقال إلى محل الواقعة ومعاينة ما بها من منقولات زوجية وإثباتها في محضر، وإرفاق تحريات المباحث حول الواقعة وظروفها وملابستها.
وبتاريخ 7 مايو، ورد لنيابة أكتوبر، تقدم وكيل حسن شاكوش بمحضر تضرره من زوجته ريم صادق التي قامت بترك مسكن الزوجية، وإرسالها رسالة صوتية له مفادها قيامها بترك المسكن وعقب ذلك إكتشافه عدم تواجد مبالغ مالي قدر ب نصف مليون جنيه فضلا عن تواجد مشغولاتها الذهبية طرف والدتها من بعد شهر العسل للزواج، ثم حضر المحامي في اليوم التالي وقرر بأنه نظرا لسفر حسن شاكوش فإنه سيحضر إلى النيابة في صباح 10 مايو.
حسن شاكوش
نص أقوال حسن شاكوش في التحقيقات
وبتاريخ 10 مايو، حضر حسن شاكوش إلى نيابة أكتوبر، وقرر أمام النيابة أنه لم يسرق المنقولات ولا المشغولات الذهبية الخاصة بالمجني عليها ريم صادق، وأنه لم يدون قائمة بالمنقولات بل أنهم أتفقوا على كتابتها فيما بعد ب 80 ألف جنيه، قائلا أنه إستيقظ يوم 1 مايو فوجد ريم تقول له «أنا ماشية دلوقتي وهبعت أهلي ياخدوا حاجتي».
وقال حسن شاكوش أمام النيابة، رديت عليها وقولتلها خلاص براحتك إمشي، وتاني يوم أنا مكنتش موجود في الفيلا، والدتها وغبن خالتها وأخوها جم الفيلا عندي وكلموني قولتلهم أنا مش هنا، مشيوا وبعد كدة لقيت أن في نصف مليون جنيه مش موجودين في الخزنة بتاعتي وهي اللي سرقتهم من ورايا.
وتابع حسن شاكوش أمام النيابة، مفيش قايمة أتكتبت اصلا والعفش اللي موجود في البيت كله أنا اللي جايبه وهي جابت شوية أواني وغسالة أطباق و3 سجاجيد وأنا مكتبتش وصل ب 500 ألف جنيه والدهب كان معاها هي وهي عارفة، وهدومها ومكياجها عندي في الفيلا وأنا مش مانعها تاخد حاجتها، إحنا إتفقنا نكتب قائمة ب 80 ألف جنيه مش زي ما بتقول 650 ألف جنيه، والعفش كله أنا اللي اشتريته، والمنقولات اللي موجود أوضة نوم وأوضتين أطفال ب 100 ألف جنيه.
حسن شاكوش وريم صادق
حسن شاكوش: ممارستش معاها العلاقة الزوجية
وأضاف حسن شاكوش في تحقيقات النيابة، أنا جبتلها طقم دهب سلسلة فيها 3 سلاسل، وأسورة وخاتمين ودبلة وكان تمنهم ساعتها تقريبا 100 ألف جنيه، وأنا بتهمها بالتزوير في عقد الزواج وأنها قالت أنها بكر ومش متجوزة قبل كدة وطلعت متجوزة واحد وبتهمها بسرقة نصف مليون جنيه.
وأكمل شاكوش أمام النيابة، أنا اتفاجأت أنها متزوجة من السوشيال ميديا ولما هي قالت لي أنها كانت متزوجة من سنة ونصف، والمأذون قال أنها بكر رشيد وهي ما اعترضتش ولا هي ولا والدها، لكن أنا عرفت أنها متجوزة واحد وشوفت صورتهم في الفرح على الفيسبوك، وأنا معرفش بقى المأذون كان عارف ولا لأ، ولم أقم بمعاشرتها معاشرة الأزواج، لأنها كانت كل شوية تقولي أنها تعبانة وبعدها قالتي أنا كنت متزوجة وعندي مرض يمنعني من الجماع.
وأتهم حسن شاكوش خلال النيابة زوجته قائلا «أنا بتهم ريم صادق ووالدها بالتزوير والإدلاء ببيانات غير صحيحة في عقد الزواج الشرعي، وعدم إبلاغي بزواجها من قبل، وعن واقعة السرقة أنا بحط كل الفلوس في الخزنة بتاعتي ولما رجعت لقيت الفلوس ناقصة 500 ألف جنيه.
وأمرت النيابة العامة في أكتوبر، بصرف حسن شاكوش من سراي النيابة مؤثتا، وطلب ريم صادق للتحقيق معها مرة أخرى، وإرفاق ما يفيد على وجه رسمي من مصلحة الإحوال المدنية باسماء وبيانات زيجات ريم صادق السابقين والحالي إن وجدوا.