محمد سامي يكشف سبب وضع اسم "أحمد داش" بعد "محمد رمضان"

على تتر مسلسل جعفر العمدة

حل المخرج محمد سامي ضيفًا على برنامج تفاعلكم على قناة العربية، وكشف عن كواليس مسلسل جعفر العمدة، ورأيه في ردود فعل الجمهور على العمل وغيرها من التفاصيل.
وكشف محمد سامي سبب وضع اسم أحمد داش بعد اسم محمد رمضان في تتر مسلسل جعفر العمدة، ردًا على تصريحات منة فضالي التي أعربت عن استيائها من هذا الأمر.
#تفاعلكم | المخرج #محمد_سامي يرد على اعتراض #منة_فضالي على ترتيب اسمها في تتر #جعفر_العمدة وتقديم اسم #أحمد_داش@directormohsami @ahmeddash0 @MennaFadali pic.twitter.com/wxDpoSTgMp
— العربية - #تفاعلكم (@tafa3olcom) April 18, 2023
وقال محمد سامي : "أحمد داش نجم وكل من بالعمل نجوم"، والتتر بيرجع لمحمد السعدي منتج العمل وشركة ميديا هب، وهي الشركة المنتجة للعمل، وأنا كمخرج ليا الإشراف الفني على التتر.
وأضاف محمد سامي "أنا شايف إن أحمد داش عامل مسلسل تاني بطولته على شاشة قناة مهمة، وهو نجم جيله ومهم وقصة الموضوع قائمة على محمد رمضان، وداش اللي هما جعفر العمدة وابنه.
وتابع محمد سامي: "منة فضالي دي أطيب واحدة في العالم رائعة وجميلة وهي وأحمد أصحاب وأخوات، وممكن الواحد يخونه التعبير والكلام أو طمعان في شيء أكتر أو بتقيسها بالأقدمية لكن كل ممثل من حقه يتمنى وده لا ينقص منه ولا يزيد من أحمد والعكس، وهما أصحاب وأخوات وزملاء في عمل ناجح وبينهم كل احترام وحب".
محمد سامي وردود الفعل على جعفر العمدة
محمد سامي: "ردود الفعل على جعفر العمدة أعظم حاجة ممكن يقابلها الإنسان في حياته".
وأعرب محمد سامي عن سعادته الشديدة بردود فعل الجمهور على مسلسله جعفر العمدة، قائلًا: بفرح من ردود الفعل، وما أعظم إن فنان يقدم عمل ويتعب فيه ويلاقي رد الفعل عند الناس وهذا النجاح والحب والتقدير ويلاقي الموضوع عدى مرحلة المسلسل ودخل في مرحلة تعايش عام للبيوت والأسر على مستوى كل بلدان الوطن العربي، ودي أعظم حاجة ممكن يقابلها الإنسان في حياته، ويفضل ساجد لله ويشكر ربنا قدر ما يستطيع.
محمد سامي: جعفر العمدة تفوق على البرنس والأسطورة
وأكد محمد سامي أن مسلسله جعفر العمدة تفوق على مسلسلي البرنس والأسطورة، قائلًا: جعفر العمدة عدى البرنس والأسطورة، ولما عملنا الأسطورة الناس سألت هتعملوا إيه بعد النجاح ده وربنا كرمنا وعملنا البرنس والحمد لله، ومحمد رمضان قال هنحقق نجاح يفوق البرنس والأسطورة وفعلًا عملنا كده.
وكشف محمد سامي حقيقة انزعاجه من تشابه اسم مسلسله مع مسلسل حضرة العمدة بطولة روبي، مضيفًا: المسلسل إنتاج ريمون مقار ومحمد محمود عبد العزيز أصدقائي جدًا وبحترمهم وصناع شاطرين وبحبهم من قلبي أوي مش حب ادعاء، وهما بيحبوني ومقدرش أقول أي كلمة، وانزعجت علشان مصلحة شغلي إن يحصل خلط بين مسلسلين اسمهم العمدة، ومسلسلي كان اسمه العمدة زودت جعفرعلشان يوضح، ولما الناس تعمل سيرش، مش حلو تلاقي مسلسلين بنفس الأسم.
وأضاف محمد سامي: روبي صديقتنا وصديقة مي وبحبها وبحترمها والموضوع ممكن يكون سبب ليا انزعاج لكن من أشخاص ما ينفعش لحظة تزعليهم، ومسلسل حضرة العمدة قائم على حضرة العمدة أو العمدة الست، وأنا مسلسلي قائم على العمدة اللي هو جعفر بطل الرواية والموضوع كله قائم على تركيبته.
إمكانية تقديم جزء ثان من لؤلؤ
وكشف محمد سامي إمكانية تقديم جزء ثان من مسلسل لؤلؤ بطولة زوجته مي عمر، قائلًا: هو مشروع قائم ولكني مش من أنصار الجزء الثاني، وكان أسهل حاجة بالنسبة لي لما عملت آدم وسبق الإصرار والأسطورة أعمل منهم جزء تاني، ولكن بحب أدخل تحدي جديد وقلت لمي أنتِ نجحتي في لؤلؤ وتقدري تقدمي أنجح منه علشان لما الإنسان يبص لمكتبته يلاقي فيها تنوع مش أعمل 17 جزء علشان آلاقي نفس النجاح.
سبب عدم مشاركة مي عمر في جعفر العمدة
وعن سبب عدم مشاركة مي عمر في مسلسله جعفر العمدة، واصل محمد سامي: مي بتعمل حاجات مختلفة.. عملت لؤلؤ مسلسلها لوحدها، ورانيا وسكينة هي وروبي بطولة الاتنين مع بعض، ومسلسل علاقة مشروعة السنة دي مع ياسر جلال، هي وياسر عندهم كيمياء حلوة، إنما هي النهاردة مش كل الأدوار أصبحت تناسبها، ومن الأول مكنش مطروح فكرة وجودها في العمل، وعندنا مسلسل بنصوره مع مهاب طارق وتأليف مها سليم.
#تفاعلكم | هل كانت مشاركة الفنانة #مي_عمر في #جعفر_العمدة مطروحة ؟ المخرج #محمد_سامي يرد@directormohsami @MaiOmar pic.twitter.com/nYyhB2gieG
— العربية - #تفاعلكم (@tafa3olcom) April 18, 2023
مي عمرتهنأ زوجها محمد سامي في مداخلة هاتفية بالبرنامج
وهنأت مي عمر زوجها محمد سامي في مداخلة هاتفية بالبرنامج قائلة: مقدرش أقول حاجة عن نهاية المسلسل ممكن يموتني فيها، وعاوزة أبارك له لأن النجاح ده مش جديد عليه وهو مخرج مبدع وعمل نجاحات كبيرة في البرنس والأسطورة ومع سبق الإصرار، والمسلسل حلو أوي ومكتوب حلو وقفلات الحلقات قوية جدًا.. والناس طول الوقت خايفة على البطل .. كل حاجة فيه معمولة صح سواء أداء ممثلين أو كتابة وأي دور مع محمد حلو أيا كان حجم الدور اللي بيعمله الممثل وفي الآخر الدور مش بحجمه.
اقرأ أيضا|a href="https://akhbarelyom.com/news/newdetails/4068563/1/%D9%86%D8%AC%D9%88%D9%89-%D8%AA%D9%83%D8%B4%D9%81-%D9%84%D9%80%D8%B3%D9%8A%D9%81-%D8%AD%D9%82%D9%8A%D9%82%D8%A9-%D9%88%D8%A7%D9%84%D8%AF%D9%87--%D8%AC%D8%B9%D9%81%D8%B1-%D8%A7%D9%84%D8%B9%D9%85%D8%AF%D8%A9" title="نجوى تكشف ل" سيف" حقيقة والده " جعفر العمدة" في حلقة الليلة"نجوى تكشف ل"سيف" حقيقة والده " جعفر العمدة" في حلقة الليلة