الممثل العالمي «راسل بيترز»: جورج كارلين مثلي الأعلى

التقى ببرنامج «صباح الخير يا مصر»، المُذاع على القناة "الأولى"، الممثل العالمي راسل بيترز.
وتحدث الممثل العالمي راسل بيترز ، عن مثله الأعلى، وقال :"جورج كارلين كان مثلي الأعلى في الكوميديا .. كان دائما الشخص اللي كنت بشوفه و بحترمه .. كنت عارف اني مش ممكن أبقى زيه .. لكن كنت عارف اني لازم ألاقي طريقي و أكون نفسي و قابلته سنة 1992 و كان بقالي 3 سنين بس بقدم عروض كوميدية وقتها".
وواصل:" آخر شئ قلته له في اليوم ده لما وصلته الفندق "يمكن نشتغل مع بعض في يوم من الأيام" و جاوب "مين يعرف يا ابني .. ده أمر غير متوقع" و فعلا في 2008 اشتغلت معاه 8 شهور قبل ما يتوفى".
وكشف الممثل العالمي راسل بيترز ، أنه لا يجيد استخدام اليوتيوب، وقال :" أنا مازلت لا أجيد استخدام اليوتيوب .. أنا بعرف أتعامل مع انستجرام لأنه سهل جدا ".
وقال راسل بيترز ، "العالم كله اتغير .. اللي ابتدى معايا كان ملف المشاركة في 2004 .. الناس كانوا بيبعتوا الملف في البريد الالكتروني .. و كان ممكن يبقى فيديو دقيقتين .. و ياخد 20 دقيقة تحميل .. فاكرة الأيام دي؟ و بعد كده اليوتيوب بدأ في 2005 .. و غير كل شئ .. و دلوقتي بعد 16 سنة أنا هنا في مصر".
واستطرد :"أنا عمري 52 سنة و أب لطفلين .. و شفت العالم و دايما بتعامل مع كل شئ كأنه أول مرة .. و بما اني في مصر و لأول مرة هشوف ردود أفعال جديدة عن اللي شوفتها قبل كده .. و ده شئ رائع اني أكتشف أشياء جديدة عن نفسي و عن ناس تانية .. و ده ممتع جدا بالنسبة لي. مين ممكن يتوقع رد الفعل على العروض لأني متأكد إن هيكون في حاجات جديدة هتظهر مختلفة".
يذكر أن الممثل العالمي راسل بيترز، يُعتبر أحد الكوميديين الأشهر في العالم، وتعود أصوله إلى جنوب آسيا ونشأ في كندا، شارك في أفلام متنوعة مثل Breakaway، و Source Code.
إقرا ايضا
حسن الرداد : سمير غانم من أطيب الناس ومحسيتش أنه حمايا وعلاقتي به خاصة جدا