بسمة وهبة ل محمد صلاح: «خليك في ليفربول.. واطلب اللي انت عايزه منهم»

علقت الإعلامية بسمة وهبة، على الأداء التاريخي للنجم المصري محمد صلاح، بعدما قاد فريقه ليفربول للفوز على مضيفه مانشستر يونايتد بنتيجة 5-0، خلال المباراة التي جمعت الفريقين مساء اليوم الأحد على ملعب "أولد ترافورد"، في قمة الجولة التاسعة لمنافسات الدوري الإنجليزي الممتاز، في المباراة التي شهدت تألق صلاح بشكل كبير الذي سجل 3 أهداف وصنع هدف آخر.
وقالت وهبة في رسالتها لمحمد صلاح عبر برنامجها "90 دقيقة" المذاع على شاشة "المحور": "أطلب يابنى اللى أنت عاوزه واللى بتحلم بيه، وكلنا معاك.. ومش هنحسدك ولا ننبر عليك.. وهنقول ما شاء الله تبارك الله".
وواصلت خلال برنامجها "90 دقيقة": "خليك في ليفربول.. العتبة حلوة.. ومن غير زعل بقى.. كلمتين ولازم أقولهم.. بلاش والنبى الناس بتوع الكورة في مصر اللى بيدوروا على شهرة يستغلوا اسم صلاح في الخناقات والمقارنات بتاعتهم.. كفاية استغلال لاسم صلاح.. عشان هو سبقكم كلكم بسنوات ضوئية.. سيبوا صلاح في حاله.. سيبوه ينجح ويحقق إنجازات ويرفع اسم مصر للسما قدام العالم كله".
إقرأ أيضاً .. الفنان أحمد عز: محمد صلاح الأفضل في العالم