الرئيس السيسي: توفير حظيرة لكل بيت

أعلن الرئيس عبدالفتاح السيسي، خلال فعاليات افتتاح مجموعة مشروعات إسكان بديل المناطق غير الآمنة، عن توفير حظيرة لكل بيت ل " اللي عايز يربي".
وأضاف الرئيس عبد الفتاح السيسي: "كل ما تتوفر أراضي هنقدر نعمل الخطط دي كلها على مستوى الدولة بالكامل.. ولو قولتم 500 ألف وحدة ب 500 ألف جنيه .. يعني المليون يكلفوا 500 مليار جنيه، متابعا: " الموضوع مش اقتصادي خالص احنا بنحاول نحل المشكلة اللي احنا فيها".
وتابع الرئيس عبد الفتاح السيسي، خلال كلمته بافتتاح عدد من مشروعات السكن البديل بالسادس من أكتوبر: احنا قولنا هنسيب حظيرة قدام كل بيت، واللي عايز يربي حاجة أحنا وفرنا مكان مع شقته.. وبقول الكلام ده عشان تعرفوا اننا جادين مع الناس.. والحاجة اللي بعملها متكاملة أوي.. ومحدش بيعمل كده غير الحكومة ومفيش مطور عقاري.
وأكمل: بنعمل زي الكتاب مابيقول، وخلال سنتين أو تلاتة عاملين حسابنا نخلص اللي بنكلم فيه دلوقتي .
وتحدثت الرئيس السيسي، خلال فعاليات افتتاح مجموعة مشروعات إسكان بديل المناطق غير الآمنة، عن البناء غير المخطط وآثاره علينا، مضيفًا:" نحتاج لعمل برنامج نظافة كويس.. وسنواجه مشاكل البناء غير المخطط.. وفي هذه الحالة أمامي خيار من اثنين، يا أشوف وأسكت.. يا أشوف واشتغل.. وأنا معرفش أسكت وأنتوا متسكتوش ولازم أحل القضية.. حيث أن حجم المخلفات التي تصدت لها الحكومة في ال 3 سنوات الماضية 2.8 مليون طن.. ودى مش قضية رئيس ولا حكومة بل دولة وناس".
وواصل الرئيس السيسي حديثه قائلا:"ياجماعة فيه دولة فى العالم حجم مخلفاتها 2.8 مليون طن، لا لازم نخلى بالنا من نفسنا شوية.. وإحنا بنحاول نصلح".
وأشار الرئيس عبد الفتاح السيسى ، إلى أن البعض يرغب فى البناء بجوار أرضه فيجد أن جيرانه ومن حوله يرغبون فى نفس الأمر معقبا " انت كده بتاكل فى أرضك اللى هى الأرض الخضرا اللى بتطلع إنتاج وفلوس ليك ولغيرك والبلد " .
وقال الرئيس عبد الفتاح السيسي موجها كلامه للمواطنين والإعلاميين : "يجب أن تتوقفوا وتنظروا لما تقوم به الدولة من مشروعات".
وقاطع الرئيس عبد الفتاح السيسي، اللواء أركان حرب إيهاب الفار رئيس الهيئة الهندسية للقوات المسلحة، خلال كلمته، وحديثه عن عمليات التطوير المناطق غير الآمنة، وإزالة 32 منطقة تضم منشآت قديمة.
ولفت الرئيس السيسي، إلى أن " مشروع أهالينا 5 كان عبارة عن مزارع يعمل بها المواطنين، ولذلك قررنا أن نستفيد من تلك الأراضي من خلال إقامة مشاريع لخدمة المواطنين بجانب الاسكان".
وأضاف "انا بقول كدا عشان الحكومة تساعدنا.. الأراضي دي بتتاخد للناس وبتتكلف كتير عشان نساعد الناس" متابعا: ما تقوم به الدولة الآن لا يظهر للجميع ولذلك يجب للجميع أن يتوقف أمام ما نقوم به.
وقال الرئيس السيسي، خلال فعاليات افتتاح مجموعة مشروعات إسكان بديل المناطق غير الآمنة،:"بعض الأماكن دي على جسر السويس وكانت عبارة عن مزارع دواجن قديمة.. وكانت غير مستخدمة، وقولنا هنستفيد بالأراضى اللي تبع الحكومة أو المحافظة أو الوزارات المختلفة لعمل مشاريع للناس تتضمن إسكان ومناطق حرفية لتحقيق العمل بجانب السكن".
وواصل الرئيس السيسي :"بقول كدا للحكومة عشان يساعدونا.. عشان نؤكد أن دا بناخده للناس، وبنعمل دا بتكلفة كبيرة من أجل التغيير ".
وقال الرئيس عبد الفتاح السيسي، إن مصر دي بلدنا واحنا عايزين نغيرها ، بس خلي بالكم إن المليون وحدة اللي أحنا بنفتتحهم ، واللي لسه هنفتتحهم ، و بكرر كلامي أن اللي بيتعمل ده بيتعمل من أموال مصر .. وده من بلدنا محدش هيجيب حاجة .
وتابع الرئيس عبد الفتاح السيسي: أقف هنا .. معملناش مشاريع في أراضي زراعية .. عملناهم في أراضي صحراوية .. وده مش اهتمام الحكومة وأنا بس .. أنتم بتسيبوا الأرض الغالية دي تتضيعوها بالطريقة دي .. وتسيبوا صحراء كبيرة مفتوحة كده
وأشار الرئيس السيسي إلى إننا وجهنا بتطوير والاستفادة من المناطق المحيطة بمناطق بمشرروعات الاسكان الجديدة لخدمة المواطنين.
واكد الرئيس السيسي خلال افتتاح أحد المشروعات القومية للاسكان البديل، أن البناء على الراضي الزراعية قضية تهم الدولة والمواطن .