إسمع| مصطفى كامل يطرح «ضحكتي» من ألبومه الجديد «وجع قلبي»

طرح الفنان مصطفى كامل أغنية جديدة بعنوان "ضحكتي" من ألبومه الجديد "وجع قلبي".
"ضحكتي" من كلمات وألحان مصطفى كامل وتوزيع موسيقي لحسن سراج.
وتقول كلمات الأغنية:
كلمات الأغنية:
ياللى شايفين ضحكتي دائما تلالي
ياللى فاكرين إنى ساكن برج عالي
أه يا ويلي لو دخلتوا حياتي مره شفتونى مالي
انا حد غير اللى انتو شايفينه بعينيكم
وتعبت م التمثيل على نفسي وعليكم
أيوه باين هلا هلا من بره بره وربنا عالم بحالي
مايغركوش ضحكي قولوا للزمان يحكى
هيقولكم عنى شفت العذاب الوان
يا قلبي يا خزنه على ذكريات حزنه
الجرح عجزنا والفرح كان يا مكان
انا من زمان شجره بتتحدى الخريف
لو حتى كان الريح قوي وقاسي وعنيف
لا بحب أبان مكسور ولا ابداً ضعيف
انا كل يوم مع نفسي بتكلم بصوت
شايل هموم لو100جبل شالهم يموت
ياه ع الكتوم لو يوم صرخ يزلزل بيوت
جدير بالذكر أن ألبوم "وجع قلبي" الذي يضم 8 أغنيات متنوعة كلها من كلماته ما عدا أغنية واحدة كتبها الشاعر هشام عبد الحليم، والألحان مصطفى كامل وحسن سراج وتيتو، والتوزيع باسم منير ومحسن السيد وتامر صقر وأحمد باريتون وحسن سراج وأغنية شعبية من توزيع إسلام ساسو.