بعد تصدرهما التريند.. تعرف على فارق العمر بين حلا شيحة ومعز مسعود

تصدر الثنائي حلا شيحة وزوجها معز مسعود، تريند مؤشر البحث جوجل، وذلك بعد أن هاجمت الأولى الفنان تامر حسني وتبرأها من فيلم وكليب "مش أنا" ودعته للتوبة.
وترصد "بوابة اخبار اليوم"، فارق العمر بين حلا شيحة ومعز مسعود.
وما لا يعرفه الكثيرون أن معز مسعود يكبر حلا شيحة بسنة واحدة، فهو من مواليد 1978 وسنه 42 عامًا أما حلا فسنها 41 فهي من مواليد 1979.
ودائمًا ما يثير معز مسعود الجدل بزيجاته، فقبل ارتباطه بحلا كان متزوجًا من شيري عادل واستمرت علاقتهما لمدة عام.
وقررت حلا شيحة، إغلاق خاصية التعليقات عبر حسابها الشخصي بموقع التواصل الاجتماعي "انستجرام"، وذلك بعد الهجوم الذي تعرضت له بعد إعلان توبتها وهجومها على تامر حسني.
حيث وجهت حلا رسالة قوية إلى تامر قائلة "أنا اتفاجئت جدا ًبنزول كليب يجمع فيه مشاهد متفرقة من الفيلم و في أيام ذي الحجة أيام مباركة وخصوصاً بعد آخر بوست نزلته و وضحت فيه أنا إيه، اتفاجئت اكتر خصوصا ًبعد وعد تامر حسني ليا وتأكيده إنه هيحترم رغبتي و بعض الطلبات اللي طلبتها منه بكل احترام وود الصيف اللي فات و أكدلي إنه حيحترم رغبتي".
وأضافت" احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح، انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح، بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى".
وتابعت "انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا.
وأكدت "أن الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن، احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا".
ووجهت كلامها للفنان تامر حسني وقالت: شوفه تاني يمكن يفكرك ان جواك اكيد في صراع، كلنا بنغلط بس المهم في الاخر نتدارك الغلط و نصلح .
واستشهدت بالأية القرأنية {إِلَّا مَن تَابَ وَءَامَنَ وَعَمِلَ عَمَلࣰا صَٰلِحࣰا فَأُو۟لَٰۤىِٕكَ يُبَدِّلُ 0للَّهُ سَئَِّاتِهِمۡ حَسَنَٰتࣲۗ وَكَانَ 0للَّهُ غَفُورࣰا رَّحِيمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد.