تريند رقم 5.. العسيلي مطلوب على يوتيوب بسبب «حب غلط»

حقق المطرب محمود العسيلي نجاحا كبيرا بأغنيته الجديدة «حب غلط» التي طرحها أمس 17 يناير وهي أولى أعماله في العام الجديد، والتي تم طرحها على طريقة الفيديو كليب على قناته بموقع "يوتيوب".
وتواجدت الأغنية في المركز الخامس في قائمة تريند اليويتيوب كأكثر الفيديوهات رواجا، وحقق الكليب حتى الآن 246,102 مشاهدة، وهي من كلمات أمير طعيمة وألحان محمود العسيلي وتوزيع علي فتح الله، والكليب من إخراج إبراهيم حدرج.
وتقول كلمات الأغنية:
كلمات الأغنية : ابعديني حاولي تفهميني
الف مرة حاولت امشي بس قلبي رجع
ساعديني من قلبك شيليني
اصلي عارف ان السكة دي اخرها وجع
بتشوفيني ليكي بتسحبيني
وضعي صعب ومرضي بيكي مش أي مرض
والحقيقة من أول دقيقة
انا عارف وانتي عارفه انه حب غلط
وكفايانا بقى لُقا هيتعبنا
إحنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا
—-
انا بس عايزك تبقي عارفه انك انتي ليا
اقربلي مني انتي عايشة في كل حتة فيا
مش هنسى لما كنا بنهرب من حياتنا دي
لما كنتي تدفي في حضني وتنسي الدنيا بيا
مش هنسى ايام الشتا ولا فيروز والاغاني
ضحكة من قلبي طالعه وعارف مش هضحكها تاني
كان حلم بنبني فيه سنين وهيتهد في ثواني
ما انا كنت عارف وانتي عارفه انه حب غلط
وكفايانا بقى لُقا هيتعبنا
احنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا
.......
مش هنسى صوتك اللي كان الصبح بيصحيني
احساسي بيكي في كل لحظة كنتي بتلمسيني
مش عارف اقولك قد ايه انتي هتوحشيني
بس انا عارف وانتي عارفه انه حب غلط
وكفايانا بقى لُقا هيتعبنا
احنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا