شاهد كليب "أبويا قالي زمان" لمصطفى حجاج ورضا البحراوي

طرح المنتج هانى محروس أغنية "أبويا قالي زمان" الدويتو الذى يجمع مصطفى حجاج ورضا البحراوي وتم تصويره بمنطقة روض الفرج بوسط القاهرة.
"أبويا قالب زمان".. من كلمات أحمد سامى وألحان عزيز الشافعى وتوزيع إسلام شيبسي والفيديو كليب إخراج محمد عبد الجواد والهندسة الصوتية والرؤية الفنية والدرامية لهانى محروس.
حرص كل من مصطفى حجاج ورضا البحراوي على نشر الأغنية عبر حسابات مواقع التواصل الاجتماعي كما اعلن عنها منذ قليل المنتج هاني محروس من خلال حسابات أوتو تيون وحساباته الشخصية على مواقع التواصل الاجتماعي.
حرص ملحن الأغنية عزيز الشافعي على شكر حجاج وهاني محروس على هذا العمل خصوصا بعد سماعه أسمه في الشكل النهائي للأغنية بعد تصويرها حيث فوجىء بذكر حجاج لأسمه مع اسم هاني محروس في نهاية الفيديو كليب حيث يعد هذا العمل بعد عدة نجاحات لعزيز الشافعي ومصطفى حجاج بتوقيع هاني محروس منها "نعناع" من كلماته والحانه وأغنية "خطوة" من كلماته والحانه ايضا حيث تعدان أيقونات من أيقونات الأغاني المصرية الناجحة بتوقيع الثلاثي مصطفى حجاج وعزيز الشافعي وهاني محروس.
كما حرص ايضا هاني محروس على اهداء هذا العمل للصديق الراحل وائل المصري مدير أعمال الفنانة نيكول سابا الذي وافته المنية منذ أيام قليلة حيث كان يتابع مع هاني تفاصيل ذلك العمل وعدة أعمال اخرى حيث كانت تربطه علاقة صداقة قوية مع اّل محروس فحرص هاني على نشر صورة تجمعه هو وعائلته مع وائل المصري معلقا: "أنت كنت مستني الغنوة دي يا صاحبي و فرحانلي ودعتلي كتير وكنت متنبأ النجاح"
وتقول كلمات الأغنية:
أبويا قالي زمان يابني أنا بحذرك
خليك برئ وإياك الدنيا دي تغيرك
وابعد عن اللي يعطلك في السكة ويأخرك
وإياك تفوتك الأصول هي اللى هتكبرك
وأوزن كلامك عشان لو حرف منك غلط يا تبقي ملزم بيه يا تقل من منظرك
قالي أوعي يدخل في جيبك لو قرش واحد حرام ، وإياك يقولوا ان عيبك أنك قليل الإحترام
سيب اللي بيجيب في سيرتك ويقول في ضهرك كلام ،الكل هيرد غيبتك لو أنت صح وتمام
ولو في يوم شر مسك خليك رجولة وتمسك بالصبر وأستفتي قلبك ، سلم أمورك لربك
ولو في يوم شر مسك خليك رجولة وتمسك بالصبر وأستفتي قلبك ، سلم أمورك لربك، سلم أمورك لربك
أبويا قالي زمان يابني أنا بفهمك الدنيا دي مدرسة وياما هتعلمك
دي ياما ظلمت ناس يا رب ما تظلمك
وإياك تفوتك الأصول هي اللي هتكبرك
وأوزن كلامك عشان لو حرف منك غلط يا تبقي ملزم بيه يا تقل من منظرك
قال خلي قلبك دليلك ونقي صاحب نضيف في الشدة تلاقيه يشيلك يقسم معاك الرغيف
ومهما كان أوعي تنسي إن أنت في الدنيا ضيف
عشان كده أرضي بقليلك لو حتي هتنام خفيف
ولو في يوم شر مسك خليك رجولة وتمسك بالصبر وأستفتي قلبك ، سلم أمورك لربك
ولو في يوم شر مسك، ولو في يوم، لو في يوم ،لو في يوم، ولو في يوم ، لو في يوم ولو في يوم شر مسك خليك رجولة وتمسك بالصبر وأستفتي قلبك ، سلم أمورك لربك، سلم أمورك لربك
ولو في يوم شر مسك خليك ، يا هاني يا محروس ، عزيز يا شافعي