تداول نشطاء مواقع التواصل الاجتماعي، مقطع فيديو منسوب لشقيق الفنان الهارب محمد علي، حيث وجه له شقيقه رسالة نارية بسبب تطاوله على الدولة المصرية. وقال "شقيقه"، خلال الفيديو، إن بعض الناس تعرف أني شقيق محمد على الهارب وبعض الناس متعرفش المهم أن شقيقي محمد علي الهارب في أسبانيا بيدعي أنه مناضل مصري وبيحاسب الدولة على أموالها وبيتكلم في حقوق الغلابة وأموالهم. وأضاف "شقيق الهارب محمد علي"، أنا شايف إن شقيقي طالع في الفيديوهات وبيظهر للناس أنه زعلان على فلوس الناس طيب يامحمد علي أنا أخوك مش حد غريب طيب أنت عاجبك اللي أنت عملته في أهلك وأنت سارق فلوس أخوك المتوفى وسايب أولاد أخوك عايشين في شقة إيجار جديد.. طيب أنت عاجبك طيب والدك اللي هيتحاسب بسببك أنت كده مناضل في نظر نفسك وفي نظر الناس طيب والدتك اللي رافعة قضايا عليك بسبب أنك أكلت ميراثها طيب أنت شايف نفسك كده بتلعب جيم فير. ووجه "شقيق الفنان"، رسالة قائلا له، أنا عايزك تلعب الجيم الفير معايا.. أنت واخد فلوس أخوك وهربت ليه وأنت رجل مفلس ومش معاك فلوس وسرقت مال أخوك علشان تروح تشتري عربية فيراري. وهاجم شقيق الفنان الهارب محمد علي: "أنت عندك جنون الشهرة، مريض بالشهرة، كنت فين من الناس اللي في القرى والنجوع يابن البلد، ولا مارينا والعربيات الفراري هما دول اللي كنت حاسس بيهم بالناس، انت مريض وعاوز شهرة، وولاد أخوك مرمين في الشارع".
