صح صح

المتظاهر السمين

بقالنا شهور بنتكلم عن قانون التظاهر وكلام رايح وكلام جاي من غير فايدة..وفي الواقع انا ما اتحمستش قوي للموضوع إلا لما صدر تقرير الطب الشرعي عن أسباب وفاة شيماء الصباغ. وحقيقي صبرت ونولت أخي المتظاهر أختي المتظاهرة واجد ان هناك ضرورة ملحة الآن أننا نعيد حساباتنا من أول وجديد في ضوء الاستنتاجات اللولبية للتقرير..وواجب علينا نعدل كتالوج التظاهر ونحط فيه كام وصفة مغذية يمكن معدش يموت لنا متظاهرين.
مبدئيا كدا القاعدة الأساسية للتظاهر.. خرطوش علي معدة فاضية يجيب أجلك علي طول لكن لو اديتها حلة محشي قبل نزول المظاهرة فيه احتمال كبير تعيش. وهنقول للمرة المليون خرطوش الداخلية ما بيموتش دا كله غذا وفوايد.
ومش هقولك بقي عن مزايا المتظاهر السمين المرطرطة.. أولا هنوفر في العدد..يعني متظاهر سمين ومتغذي يقوم بمليونية لوحده.. وقوة صوته في الهتافات مضاعفة ، وممكن نستخدمه كدرع واقية من الرصاص والقنابل..دا غير انه ممكن لوحده يفتح طرق او يقفلها.
نيجي بقي للمتظاهرات..طالما يا حبيبتي قررتي تتظاهري ما اسمعكيش بتجيبي سيرة الدايت ودكاترة التخسيس تاني..ركزي كدا وخليكي في المفيد.. تاخدي مبدئيا فاتح للشهية لمدة شهر المظاهرة مش هتطير ياختي أنتي اللي هتطيري للاخرة لو وزنك قل عن 100 كيلو.. ويوم المظاهرة قبل ما تنزلي من البيت تاكلي عيلين ثلاثة من غير ما تسمي علي كام قرص حديد وفيتامينات..وقفتي ولقيتي الاكل كبس عليكي ومش قادرة تتحركي هوه اكليل ورد علي كام هتاف والخرطوش هيجيلك لحد عندك تلميه كله وتاخديه معاكي بدل ما تروحي بايدك فاضية لجوزك والعيال واهوه لو موتي برضه مش هيخسر سيبيه للورثة عشان يدعوا لك.
بقالنا شهور بنتكلم عن قانون التظاهر وكلام رايح وكلام جاي من غير فايدة..وفي الواقع انا ما اتحمستش قوي للموضوع إلا لما صدر تقرير الطب الشرعي عن أسباب وفاة شيماء الصباغ. وحقيقي صبرت ونولت أخي المتظاهر أختي المتظاهرة واجد ان هناك ضرورة ملحة الآن أننا نعيد حساباتنا من أول وجديد في ضوء الاستنتاجات اللولبية للتقرير..وواجب علينا نعدل كتالوج التظاهر ونحط فيه كام وصفة مغذية يمكن معدش يموت لنا متظاهرين.
مبدئيا كدا القاعدة الأساسية للتظاهر.. خرطوش علي معدة فاضية يجيب أجلك علي طول لكن لو اديتها حلة محشي قبل نزول المظاهرة فيه احتمال كبير تعيش. وهنقول للمرة المليون خرطوش الداخلية ما بيموتش دا كله غذا وفوايد.
ومش هقولك بقي عن مزايا المتظاهر السمين المرطرطة.. أولا هنوفر في العدد..يعني متظاهر سمين ومتغذي يقوم بمليونية لوحده.. وقوة صوته في الهتافات مضاعفة ، وممكن نستخدمه كدرع واقية من الرصاص والقنابل..دا غير انه ممكن لوحده يفتح طرق او يقفلها.
نيجي بقي للمتظاهرات..طالما يا حبيبتي قررتي تتظاهري ما اسمعكيش بتجيبي سيرة الدايت ودكاترة التخسيس تاني..ركزي كدا وخليكي في المفيد.. تاخدي مبدئيا فاتح للشهية لمدة شهر المظاهرة مش هتطير ياختي أنتي اللي هتطيري للاخرة لو وزنك قل عن 100 كيلو.. ويوم المظاهرة قبل ما تنزلي من البيت تاكلي عيلين ثلاثة من غير ما تسمي علي كام قرص حديد وفيتامينات..وقفتي ولقيتي الاكل كبس عليكي ومش قادرة تتحركي هوه اكليل ورد علي كام هتاف والخرطوش هيجيلك لحد عندك تلميه كله وتاخديه معاكي بدل ما تروحي بايدك فاضية لجوزك والعيال واهوه لو موتي برضه مش هيخسر سيبيه للورثة عشان يدعوا لك.