صباح جديد

الكوسة - مش الأكل لكن المحسوبية والواسطة - اختراع مصري أصيل.. الدنيا تتغير وأنظمة تتبدل وبرضه مفيش فايدة.. لازم كوسة وتفتيح مخ لزوم تخليص المصلحة علي طريقة «ابرز وانجز».. الشغل كوسة والترقية كوسة والمكافأة كوسة حتي المحشي كوسة وعلي رأي المثل «اللي له ضهر ما حدش يضربه علي بطنه».. لكن الكوسة كانت مكشوفة جدا عندما طلبت هيئة الطب البيطري في محافظة بني سويف أطباء بيطريين، وعقدت امتحانا ومقابلة شخصية، والغريب أن من حصل علي أعلي الدرجات في الاختبار أبو ورقة وقلم ومن غير كوسة رسبوا في المقابلة الشخصية بتاعة الكوسة!.. ويبدو أن التعامل مع الحمار يحتاج إلي كشف هيئة!!