الرئيس السيسي في كلمة للأمة بمناسبة ذكري نصر العاشر من رمضان:

لن نترك الانتهازيين يضغطون علي الغلابة

¶ الرئيس السيسى يلقى كلمته للشعب شعبنا صمد في حرب رمضان.. وسيصمد من أجل غد أفضل
انتبهوا: العدو كان من الخارج.. واليوم يستخدمون الدين لهدم الدول
المنطقة يجري تدميرها الآن
.. ولو سمحنا بذلك
ستمتد الآثار للدنيا كلها
قالوا لي: ليس عندك ظهير وحافظ علي شعبيتك
ورددت : معايا ربنا والمصريين
أكد الرئيس عبد الفتاح السيسي أن قرار تحريك الأسعار لمواجهة تخفيض الدعم قد لا يناسب التوقيت الحالي، وقد يضر بشعبيته، ولكنه كان لابد من اتخاذه لإنقاذ الوطن، وأضاف السيسي أن الخطر الكبير الذي تتعرض له البلاد هو السبب وراء القرارات الأخيرة بعد ان ارتفع الدين الي 1.2 تريليون جنية ، وبعد أن أصبحنا مطالبين بسداد 600 مليون جنيه يومياً فوائد للدين ومثلها للأجور و400 مليون جنيه للدعم .
وأشار السيسي إلي أنه لا يستطيع بمفرده ولا تستطيع الحكومة بمفردها العمل دون مشاركة الشعب، مشيرا الي أن القرارات الأخيرة تصب في مصلحة الوطن والمواطنين».
وقال السيسي إن الحكومة كلها لابد أن تتحرك وتقف في الشوارع من أجل بلدنا والناس ولتقليل المعاناة علي المواطنين، مضيفا أن هذا وقت القادرين كي يقفوا إلي جانب مصر، مطالبهم بدعم صندوق دعم الاقتصاد.
وأضاف أن التحدي الموجود في مصر هو خلق فرص عمل للشباب، فلا بد أن يكون لدينا مليارات خارج موازنة الدولة لخلق فرص استثمار للمشروعات الصغيرة للشباب، وحل مشكلة العشوائيات، ومواجهة مشكلة أطفال الشوارع.
وأكد أن «الدين يستخدم اليوم كأداة لتدمير الدول، سابقا كان العدو من الخارج «، مؤكداً :»يوجد فصيل لا يعرف ربنا، ومستعد يهد الدولة المصرية، ويعتقد أن هذه حرب مقدسة.
وطالب المصريين بان ينتبهوا لان العدو من الداخل والخارج الآن .
ووجه السيسي حديثه للعالم الغربي : بقول للامريكان والروس والصينيين والاوروبيين انتبهوا لما يحدث في المنطقة ومحاولات تدميرها.
وأضاف أن الله لن يرضي بالفساد، ونحن لن نظلم أو نكون مفسدين في الأرض مؤكداً أنه سيتم إطلاق المشروعات التي وعد بها في حملته الرئاسية بعد شهر رمضان مثل مشروع شبكة الطرق واستصلاح مليون فدان مشيرا الي أن هذه المشروعات تستهدف تشغيل المتعطلين عن العمل وأصحاب الدخول البسيطة .
جاء ذلك في الكلمة التي وجهها الرئيس عبد الفتاح السيسي للأمة أمس في ذكري العاشر من رمضان.
وأوضح الرئيس عبد الفتاح السيسي إن 60% من الشعب لم يعايش الحرب التي مرت بها مصر في ذكري العاشر من رمضان.
وأضاف أن عبقرية قرار شن الحرب هو أهم ما يميز انتصار العاشر من رمضان وأشار الي إن الشعب المصري تحمل تبعات الحرب لمدة 7 سنوات، مضيفًا: «الشعب لم يفكر سوي في الكرامة واستعادة الأرض».
وأضاف قائلا : «كنا عايشين وراضين، الشعب صمد وراء الجيش حتي تنجح الحرب».
وطالب الرئيس القادرين بالوقوف بجانب مصر ودعم صندوق تحيا مصر الذي ستوجه موارده للمشروعات الصغيرة والمتوسطة وأطفال الشوارع وإجراء نقلة في العشوائيات .
وفيما يلي نص الكلمة: شعب مصر العظيم أتحدث إليكم اليوم في الذكري الثانية والاربعين لانتصارات حرب العاشر من رمضان - السادس من أكتوبر .. كان من المفترض أن نحتفل بهذه الذكري بكلمة أوجهها للشعب المصري كله وعندما فكرت في الموضوع قلت من 42 سنة تقريباً كان 60 % من المصريين لم يشاهدوا ولم يحضروا ولم يعرفوا ظروف الحرب التي مرت بها مصر .. وأضاف « وأنا قلت أتحدث إليكم وأنا مكنتش وقتها كبير قوي ولكن كنت منتبها قوي للأحداث والظروف التي مرت بها مصر في تلك الفترة .
وقال السيسي سأتحدث عن نقطتين مهمتين لابد أن تهتم بهما في الظروف الحالية التي تمر بها مصر وهما القرار والصمود الشعبي ..فعبقرية القرار الذي تم اتخاذه بشن الحرب عام 73 كانت هناك ظروف في منتهي الصعوبة والقسوة وكان الجيش المصري ومصر ومشروعها كله والمستقبل الذي كانت تتمناه قد تلقي ضربة كبيرة و كل المحيطين والخبراء قالوا إن مصر أمامها سنين طويلة لكي تستطيع أن تستعيد أرضها ولكن الرئيس أنور السادات أخد القرار وكان هناك حاجز خوف لدي المصريين كلهم وعند العرب لأن تجربة هزيمة 67 كانت قاسية ومؤثرة علي صانع القرار وكان هناك حاجز من الخوف موجود .
وأضاف السيسي قائلا : الجميع كان يفكر بأن الرئيس هياخد قرار بأنه يحارب ونتائج الحرب هتعود علي مصر كدولة وعلي مصير المنطقة فمما لاشك فيه أن التجربة كانت صعبة والنتائج التي هتتحملها الدولة كبيرة ولكن الرئيس أمام الدولة والتاريخ سوف يتحمل ذلك .
وأشار إلي أن : ظروف القرار كانت صعبة جداً والتوقيت صعب ولم يتصور أحد أنه خلال 7 سنوات الجيش المصري يقدر يقوم تاني في ظل ظروف بمنتهي القسوة ، ولكن تم أخذ القرار وبقي فيه 6 أكتوبر والعاشر من رمضان .
وقال : كل الاجيال التي لم تر ذلك هفكرهم بأن الجيش لم يكن بمفرده والقرار لم يكن للرئيس فقط ولكن كان هناك شعب تحمل الألم والقسوة والظروف القاسية ومرارة الهزيمة .
وأوضح السيسي أن كل بيت للشعب المصري كان له ابن داخل الجيش وموجود ومحدش بيفكر أنه هيرجع ولا لأ ولكن هنقدر نستعيد الكرامة تاني ولا .. لا ..والهزيمة تبقي نصر ولا ..لأ ؟
وقال الرئيس السيسي : أنا بفكر نفسي وبفكركم بالفترة دي .. لأن الشعب المصري بالكامل تحمل اقتصاد حرب لمدة 7 سنوات والبنية الاساسية كانت متوقفة تماماً .
وأضاف السيسي : عايز أقول إن الناس كانت بتاكل بالطابور وتقف في الجمعيات علشان كيلو سكر وزيت ومحدش كان بيفكر غير في الكرامة واستعادة الارض وكانوا راضيين وعايشين ..وعايز أقول إن صمود الشعب المصري كان أمرا له العجب وكانوا فاهمين وشايفين ده وسيظل الجميع يتعجب بذلك وصمود الشعب في مواجهة التحديات غير المسبوقة التي مرت وتمر بها مصر .
وأضاف السيسي بأن الشعب المصري وقف خلف الجيش في هذه الظروف حتي تحقق الانتصار .
وأشار الي أنه إستدعي حالة مصر الحالية وقارنها بهذا التاريخ والظروف والمعاناة والصمود والتي مر بها الشعب المصري في تلك السنوات وصمود المصريين علشان المستقبل .
وخاطب السيسي المصريين قائلا : من فضلكم أسمعوني كويس لما استدعتوني لمهمة تولي رئاسة الدولة كان العقد اللي بينا أنكم هتشتغلوا وتتحملوا معايا وأنا لا أستطيع بمفردي لأن مفيش رئيس ولا حكومة هتقدر تشيل لوحدها ولكن بالشعب يتعمل المستحيل.
وقال السيسي إنه كان صادقا وأمينا وقلت هنحتاج سنتين من العمل الجاد وهناخد إجراءات صعبة وهنواجه حالة الفقر اللي بقالها سنين طويلة واللي مخلينا مش قادرين نفكر في مستقبلنا ومستقبل أبنائنا .
وأشار السيسي الي أنه دار نقاش وكلام كتير خلال اليومين الماضيين علي تحريك الاسعار لمواجهة فاتورة الدعم ولكن ببساطة كده لازم تعرفوا إحنا كنا رايحين فين .. لازم تكونوا معايا وعارفين كل حاجة وطالب السيسي جميع فئات الشعب من سائقين وعمال وموظفين بالوقوف معه لان الخطر علينا كلنا .
وأوضح السيسي أن البعض كان بيقول أن القرار مايتخدش دلوقتي والناس بتحبك وخليها تفضل تحبك والقرار هيخفض شعبيتك ولكن أنا ليا ربنا وحده وأنتم يامصريين وإذا كنتم عارفين أن ده عشانكم ولا عشان بلدنا ولا لأي أسباب أخري .
وقال إن البعض كان بيقول برضه أن التوقيت مش دلوقتي وفي أي ظروف تانية .. ولكن الخطر كبير ومكنش ينفع نضع الشعبيات والمكانة والبلد تضيع بعد كده .. مضيفاً « أنتم استدعتوني ليه ؟ .. علشان مهمة وبناء وطن « وإحنا مضطرين ناخد الدواء المر ده علشان اللي جاي بعد كده . وأضاف السيسي أنه عندما تحدث في الكلية الحربية ووجه حديثه للشعب ولما عرضت الحكومة الموازنة عليّ قلت مش هقدر أصدق عليها ليه لأن العجز الموجود فيها هيتعدي 300 مليار جنية يعني إيه لو أنا رجعت للثلاث سنوات الماضية كان دين مصر 1.2 تريليون جنيه والدين ده بقي دلوقتي بعد 3 سنوات 1.9 تريليون جنية أي تقريبا كل سنة 200 مليار جنيه علي ديون علي مصر .
واستطرد السيسي : الموازنة الجديدة التي اتعرضت عليَّ الدين كان فيها مابين 200 الي 300 مليار جنية أو أكثر .. وكان الدعم حوالي 251 مليار جنية وهذا بخلاف العجز و ده معناه إيه ببساطة أننا دلوقتي من غير أي عجز جديد يضاف علي الدين بندفع يوميا أو مصر بتدفع وأنتم بتدفعوا تقريباً كل يوم 600 مليون جنيه فوائد للدين الحالي مش الدين اللي هيبقي أكبر من كده .. وبندفع أجور وحجم المرتبات للدولة والعاملين في الحكومة حوالي 600 مليون جنيه... والدعم تقريباً 400 مليون جنيه.
وتساءل السيسي قائلا : طيب إحنا بنجيب إيه علشان نسدد ده وإحنا إتعلمنا وإتعودنا أن الانسان بيصرف علي أد اللي بيجيله .
وأضاف السيسي إحنا بقلنا 3 سنين كان فيه بند بيدخل لمصر منه عملة حرة وهو بند السياحة وكان حوالي من 10 مليارات دولار الي 14 مليار دولار والان مش موجود . وقال السيسي ان الدخل اللي موجود الان من العملة الصعبة هو دخل قناة السويس فقط وعايزين يضربوها .
وأوضح السيسي أنه يقوم بشرح وتوضيح هذا الكلام بالارقام دي بإختصار و بعد اللي إتعمل ورفع جزء من الدعم مصر هتستلف حوالي250 مليار جنيه.
وأكد أن الاشقاء العرب وقفوا بجوار مصر خلال الفترة اللي فاتت وعايز أقولكم حتي الان يتم دفع من 800 مليون الي 900 مليون دولار علشان دعم الوقود طيب لحد إمتي هنفضل علي كده طيب وبعد كده هنعمل إيه ؟!
وقال الرئيس السيسسي : التجربة للقرار اللي اتخذ عام 1977 الناس وقتها لم تتحمل ومن وقتها محدش قادر ياخد القرار تاني وكل الحكومات كانت قلقانة تعمل ده ولكن أنا لو قلقت يبقي مبخفش من ربنا ومبقاش مصري حقيقي وأحب بلدي وأهلي وناسي وعايز أموت من أجلهم .
وقال السيسي إن الدولة قامت بتنفيذ قرار الحد الادني للاجور اللي كان متوقف بقاله فترة كبيرة وأصبح المرتب 1200 جنيه واستفاد منه ملايين المصريين بالقطاع العام وكذلك القطاع الخاص .. وأضاف أنه تم زيادة الضمان الاجتماعي بنسبة 50 % علشان فيه شريحة ظروفها صعبة كان لابد نهتم به كما قامت وزارة التموين بإتخاذ إجراءات لتقليل حجم التأثير السلبي علي الفقراء لأن القادر من المصريين معندوش مشكلة بالعكس.
وأضاف السيسي أن المقتدر اللي عنده فيلا مصر بتدعمه بحوالي 4 آلاف جنيه أو أكتر كهرباء في حين اللي عنده شقة أو غرفة بياخد دعم 50 جنيه وده نتيجة النظام اللي موجود .. وكذلك الغني اللي راكب سيارة تمنها نصف مليون أو مليون الدولة بتديله 4 آلاف جنيه حسب الاستخدام .
وقال السيسي مفيش شك أن فيه ناس بتستغل ده إستغلال مش كويس ولكن سيتم محاسبتهم بالقانون .
وخاطب السيسي المصريين قائلا : يامصريين هذا الشعب لم يجد من يرفق به أو يحنو عليه .. أرحموا الناس الغلابة . وقال إن الناس لازم يكونوا واخدين بالهم لأن مصر لو قامت هتقوم بينا كلنا وغير كده مش هيبقي لصالحنا كلنا..
وأكد السيسي أن مصر ستنجح إن شاء الله وإحنا بنعمل ده كله وهننجح وكان المفروض خلال شهر رمضان أن تتحرك قوافل ويتم إقامة بنية أساسية والبدء في إستصلاح مليون فدان .. ولكن الواقع العملي وطبيعة الاداء في شهر رمضان مكنتش هتبقي بالمستوي الذي نريده ولذلك تم تأجيل القرار لإطلاق المشروعات التي تم التحدث عنها في الحملة الانتخابية الي بعد شهر رمضان سواء كانت إقامة شبكة الطرق وإستصلاح مليون فدان وإطلاق قوافل التنمية والتعمير يتم تجهيزها الان لتتحرك .
وطلب السيسي من المصريين وعلي رأسهم الحكومة وكل مسئول في الدولة بأن يضع يده في إيد مصر علشان خاطر بلدنا تقوم ومتخليش فيه فرصة للإنتهازية للضغط علي الغلبان والفقير .
وأكد أنه تحدث مع عدد من الصحفيين مؤخراً بأن ليهم دور وقال ذلك من قبل أثناء الحملة أن ليهم دور لتشكيل الوعي المصري وهذا الدور مازال قائم حتي اليوم وغداً .
ووجه السيسي حديثه للقادرين من الشعب المصري قائلا : هذا وقت القادرين وتم إنشاء صندوق تحيا مصر وهنفكر تاني وتالت ورابع .. هو أنتو مش هتقفوا جنب مصر ولا إيه ؟! .
وقال السيسي : أوعوا تكونوا متصورين أن يكفي مصر 10 أو 20 أو 30 مليار جنية لأ .. لأ .. لأ لأن التحدي الموجود في مصر علشان شببنا يلاقي شغل وأحقق له اللي عايزه مطلوب كتير قوي ولازم يكون فيه فلوس كتير ومليارات ملهاش علاقة بموازنة العامة للدولة