نشرت "آية عمر" منشور على صفحتها الشخصية بموقع "فيس بوك" تروي تفاصيل أخر مكالمة كانت بينها، وبين صديقها منذ الطفولة الشهيد البطل "إسلام مشهور" الذي قتل غدرًا، أمس الجمعة، أثناء الاشتباك مع عناصر إرهابية في واحات الجيزة، قائلة: "إسلام أنا لسة كنت بكلمك علي الموبيل وكنت بقولك يا سمسم أنت وحشتيني أوي أنا حاسة أني هاموت قبل ماشوفك! رديت عليا قولتلي بعد الشر عليكي يا يويو والله انت كمان واحشاني! قولتله أنت فين!.. قالي دا سؤال أنا ليا غير الشغل الي دافني بالحياة بطريقة هزاره الجميلة". وتابعت: "قلتله حد قالك تكون ظابط مش كان زمانك اتخرجت من حقوق وصايع معانا قالي نصيبي بقي يا يويو، قالي مش هفرح بيكي بقي ولا إيه أنا عايز أطمن عليكي قولتلو جواز إيه يا إسلام أنا طايقة نفسي بالعافية ضحك ساعتها وكان مسخسخ من الضحك". وأضافت: "قالي أنا الأجازة اللي جاية لازم ننزل وأشوفك علشان كده مينفعش قولتلو مستنياك تكلمني وإن شاء الله ربنا يكتبلنا نشوف بعض بقا.. قالي أوك.. المكالمة دي أخر مكالمة دلوقتي أنت استناني أشوفك في الجنة يارب يا صديق عمري وطفولتي وأخويا يا اللي عمري معرفت أزعل منك ابدًا ودايمًا كنت عارف أنك الوحيد اللي غلوتك عندي حاجة تانية". واختتمت حديثها عن الشهيد النقيب إسلام مشهور: "إسلام حبيبي كان لسه عريس جديد خطب في العيد.. ربنا يرحمك يا عريس الجنة يا أغلي الناس علي قلبي ويصبر أهلك ويصبرنا على فراقك يا شهيد.. يارب اللهم لا اعتراض وإن لله وإن إليه راجعون".
