الرئيس السيسي: نسعى للوصول إلى أقصى إنتاجية من فدان القمح

علق الرئيس عبد الفتاح السيسي، على كلمة المهندس محمد جمال غريب رئيس مجلس إدارة شركة متخصصة في الزراعة، وذلك خلال افتتاح مشروعات تنموية في جنوب الوادي قائلا: 'قصدت اتكلم معاك انت بالذات.. بسبب حاجتين المزرعة كانت بتقابل مشاكل وكل الجهود اللي اتعملت سابقا مش نجحت ولكن قدرت تحل المسألة بشكل حاسم.. وبتكلم عن نقطتين.. التكلفة كبيرة وبالتالي اقتصاديا كبيرة.. اقتصاديات المشروع لها عائد جيد .. مش هتعمل حاجة علشان الناس اللى شغالة في المجال.. محتاج تعمل استثمارات كبيرة لكن العائد جيد'.
وأضاف الرئيس السيسي: 'لما بنقول 25 اردب في الفدان.. دي تجربتك.. لو كان السايد أن الفدان يطلع 18- 20 اردب بنفس كمية المياه والمساحة.. لما الكمية تزيد فوق ال 20 اردب محتاج نتوقف عند ده.. في الشغل اللى بيتعمل داخل مشروعات الخدمة الوطنية سواء هنا أو مستقبل مصر مش وصلنا 25 اردب للفدان.. الرقم ده نجح في مساحة ألفين فدان والمتوسط 25 اردب يعني فيه زيادة 5 اردب عن السايد.. لما نقول 5 اردب في مليون فدان يبقي 2.5 مليون اردب يعني مليون طن.. لو قسمنا ده على كمية هتطلع فوق 20 اردب.. هي هي المياه وهو هو الجهد..
وتابع الرئيس السيسي: 'بقول التجربة مش علشان أهنئك وعلشان اسمع كل من يهتم المزارعين في الدلتا والصعيد.. مهم اوي يعرفوا ازاي يوصل بالكمية دي.. والموضوع مش استخدام مكينة ولكن وسائل علمية تزود الكمية والإنتاج الكبير.. ولو قولنا مزرعة بني سويف والمنيا وطبيعة الأرض قاسية شوية.. مهم اوي الناس بتقول الأرقام تكلفتها كتير اوي.. التكلفة كتير لأنك بتعمل كل حاجة مرة واحدة.. والدلتا اتعملت على 150 – 200 سنة.. سنين طويلة وانت بتعمل ده كله مرة واحدة.. المشروع بتدخل الكهرباء والمياه ومحطات الرفع.
وأكمل الرئيس السيسي: 'لما بنيجي نعمل ده.. حق المشروع قبل حق بلدنا.. اننا نطلع أكبر حجم من الإنتاج.. مليون فدان بتطلع 2.5 مليون فدان.. يبقوا 3 ولا 3.5 مليون طن.. يبقي زودت كمية القمح من غير ما زود أرض أو مياه أو طاقة عمل.. هي نفس المساحة والوقت.. مليون طن هزود 200 ألف طن على نفس الكمية وبالتالي التجربة بتاعتك مهم اوي الحديث معها وأكيد وزارة الزراعة معنية بالكلام .. الرقم ده لافت نظري'.
افتتاح عدد من المشروعات التنموية الجديدة بمنطقة جنوب الوادي
وشهد الرئيس عبد الفتاح السيسي، افتتاح عدد من المشروعات التنموية الجديدة في منطقة جنوب الوادي، وذلك عبر تقنية الفيديو كونفرانس، والمذاع عبر فضائية 'إكسترا نيوز'.
ويفتتح الرئيس السيسي اليوم عددا من المشروعات التنموية بجنوب الوادى، كما افتتح الرئيس السيسي مؤخرا المرحلة الأولى من المنطقة الصناعية وبدء موسم الحصاد 2024 بمشروعات جهاز مستقبل مصر للتنمية المستدامة بالدلتا الجديدة.