حسن شاكوش يرد على اتهامات طليقته: الكلام هيجيب كلام ومش هنوصل لحلول

رد مؤدي المهرجانات الشعبية حسن شاكوش على اتهامات ريم طارق طليقته، التي وجهتها اليه خلال وجدها ضيفة في برنامج 90 دقيقة على قناة المحور، مع الإعلامية بسمة وهبة.
وكتب حسن شاكوش عبر حسابه بفيس بوك:'مساء الخير يا جماعة، يمكن من ساعة الحوار ما خلص ومن آخر فترة أنا كتبت فيها وقولت أن هسكت ومش هحكي اي تفاصيل عن انسانة كانت في يوم من الأيام عايشة معايا ومراتي احتراما للي كان بنا وأن أنا راجل اتربيت في بيتي بس عارفين ببقي بعد كل فترة بيحصل فيها كلام كتير او ضغط من كل اللي حواليا ببقي عايز اطلع واحكي تفاصيل كتيرة ادافع بيها عن نفسي'.
وتابع:'بس برجع وأقول هرد بكلام والكلام هيجيب كلام ومش هنوصل لحلول بس كل اللي اقدر اقولوا أن مفيش عين تصدق غير اللي تشوفة ربنا يهدي الجميع ويعدينا منها علي خير وأسف ان طولت عليكم'.
انفصال حسن شاكوش وزوجته
وكانت ريم طارق طليقة مؤدي المهرجانات حسن شاكوش السابقة، كشفت مؤخرا في برنامج 90 دقيقة، تفاصيل انفصالها عن شاكوش، مشيرة إلى أن الطلاق تم بالفعل من مؤدي المهرجانات حسن شاكوش.
تابعت باكية: 'اتحملت اللي محدش يتحمله من رابع يوم زواج، وبشوف قصص وحاجات وحشة، وشوفت أبشع حاجة ممكن حد يشوفها بعيدًا عن الخيانة'.
وأكدت زوجة مؤدي المهرجانات حسن شاكوش السابقة، أن الموضوع أكبر من الخيانة والموضوع بقى أخلاقينا ودينيا، رأيت أشياء بشعة من حسن شاكوش لا يمكن أن يتخيلها أحد.