محامي شيرين عبد الوهاب: أخوها من العصابة اللي عايزة تهدمها.. لكن هي لازم تتعالج

كشف ياسر قنطوش محامي الفنانة شيرين عبد الوهاب، حقيقة تعرض موكلته للضرب في منزلها، قبل احتجازها في أحد المستشفيات للعلاج من الإدمان.
وقال "قطنوش" في مداخلة هاتفية مع برنامج "الحكاية" مع الإعلامي عمرو أديب: "اللي يهمني مصلحة موكلتي شيرين عبد الوهاب، امبارح جاتلي مكالمة من سارة الطباخ، قالتلي إلحق شيرين في مصيبة، في حد أخدها يوم الخميس الصبح غصب عنها واحتجزها في مستشفى، اتأكدت من الكلام ده من نقيب الموسيقيين مصطفى كامل، لأنه كلم مسؤول في وزارة الداخلية وأكدله الواقعة".
وتابع: "بخلص لشيرين 3 أو 4 قضايا، وخصمي اللدود هو حسام حبيب، روحنا أنا والمحامين الساعة 3 الفجر للمستشفى، وكلمنا النجدة واللي جت ثبتت الواقعة، وعملنا محضر في قسم النزهة، وروحنا النيابة، وأنا مع أهلها مش ضدهم".
واستطرد: "جه من المستشفى ناس بتقرير إن موكلتي مريضة ومن مصلحتها تفضل في المستشفى، وساعتها مشيت أنا والمحامين بتوعي لأني يهمني مصلحة شيرين، وتحقيقات النيابة شغالة عشان نشوف هل أخوها غصبها تروح المستشفى ولا لأ".
واستكمل : ان المختصين بالمستشفى اكدوا إن شيرين مريضة ولازم تتعالج، والفنانة في المستشفى لأن فيه تقرير طبي بيقول إنها لازم تتعالج، وشيرين حقها تكمل علاجها في أي مكان آخر حسب رغبتها.
وأضاف قنطوش : تفاجئت ب حسام حبيب واقف عند المستشفى اللي فيه شيرين، وقال أنت الوحيد اللي اتحركت علشان تنقذ شيرين، ولما سألته شيرين فوق بتعمل إيه قاللي أخوها راح لها التجمع الخامس وضربها ودخلها المستشفى غصب عن إرادتها.
وعلق ياسر قنطوش محامي الفنانة شيرين عبدالوهاب، على اتهام شقيقها بأنه من العصابة التى تسعى لهدمها، معلقا: انا هسامحه لانه اخوها.
وأكد: "حسام حبيب قالي أن أخو شيرين دخل شقتها في التجمع الخامس ومعاه ناس وضربوها وأخدوها عنوة للمستشفى".