«اسمعي كلام قلبك وارجعي لحسام حبيب».. بسمة وهبة توجه رسالة للفنانة شيرين

طالبت الإعلامية بسمة وهبة، الفنانة شيرين بإعادة النظر في علاقتها بطليقها الفنان حسام حبيب، متابعة: «شيرين ست حساسة عايشة بفطرتها وسجيتها واتكلمت وحكت عن زعلها الشديد على قد الحب اللي جواها، واعترفت أنها تحبه، وأحب أقولكم كمان حسام بيحب شيرين، ومش معنى إنه مطلعش يتكلم عن اتهامات البعض له من الناس اللي بتزيط في الزيطة يبقى كلامهم صح».
وخلال تقديم حلقة اليوم، من برنامج «90 دقيقة» على قناة «المحور»، تابعت وهبة: «حسام يقدر يدخل في أي وقت، لكنه مش عاوز مشاكل عشان بيحب شيرين وعاوز يسيب لشيرين مساحة تطلع اللي جواها».
وواصلت وهبة: «ليه نحكم على هذا الحب بالإعدام ونتسرع ونقول إنها مينفعش ترجع وكل واحد يقول رأيه ولو إحنا بنحب شيرين ونقولها خدي وقتك وواجهي مشاكلك واقعدي معاه، انتي ياما أحاسيسك ومشاعرك وصوتك صالحوا ناس على ناس، ومن حق شيرين علينا النهاردة نقولها شوفي سعادتك فين وبلاش نفتح المواضيع ونكبرها عليها».
بعد أزمة شيرين وحسام حبيب.. الإفتاء توضح حكم إنفاق المرأة على زوجها
برودة وأمطار ورياح.. الأرصاد توضح طقس الأيام المُقبلة (فيديو)
الأرصاد: أمطار غزيرة تضرب بعض المحافظات خلال ساعات
وأكملت وهبة: " شيرين تحب حسام حبيب لكنها موجوعة"، وهو يلتزم الصمت لأنه يحبها.
وأردفت وهبة: «خدي قراراك بعيد عننا، بلاش تاخدي من حد نصايح، لا ولا الجمهور ولا المحيطين بيكِ اسمعي إحساسك ومشاعرك، انتي أكتر واحدة تقدري تحكمي على مشاعرك، وحلق شعرك أقوى قرار شجاع لأنثى على وجه الأرض».
وواصلت: «اوعي تفتكري إنك لما تعيشي من غير الإنسان اللي هتحبيه وهتكوني مبسوطة، ممكن تبقي مرتاحة بس مش هتكوني سعيدة»، مختتمة: متسمعيش كلام حد واسمعي كلام قلبك وساعتها ممكن تحصل المعجزة اللي قلتي عليها وارجعي لحسام حبيب لأن محدش بيفرح في الخراب ولما هتفتحي معاه صفحة جديدة محدش هيحاسبك».