مدحت شلبي عن أزمة القمة: أنا مش موظف.. و"معلول حط الزغلول" قديمة

علق مدحت شلبي على الأزمة الأخيرة التي طالته بسبب مباراة القمة بين الأهلي والزمالك.
وخلال مداخلة هاتفية لبرنامج اللعبة "الحلوة مع خالد الغندور" عبر إذاعة أون سبورت إف إم، قال شلبي: "قبل مباراة القمة موقع سجل معايا فقولت نصًا أنا ياجماعة هسيط الفرقة اللى هتجيب جول عشان لازم أمتع المشاهد صوتيًا، يعني مش مشكلتي أن الأهلي هو اللي سجل أكثر".
وتابع شلبي: "أطالب جمهور الزمالك بمشاهدة المباراة مرة أخرى، أنا قلت هلعلع الفرقة اللي هتجيب جول عشان جمهورها يتبسط، أنا مش موظف بيعمل شغله ويروح، أنا لازم أعمل متعة صوتية للمشاهد".
«الصين عزلت مدينة كاملة بسببه».. خبير فيروسات يوضح خطورة متحور «هيهي» من كورونا (فيديو)
جهاز حماية المستهلك للمواطنين:"ماتشتروش أدوية من القنوات أو مواقع التواصل"
عمرو أديب عن ارتفاع أسعار مواد البناء: المصري كل همه يجيب بيت ليه ولعياله
وأكمل شلبي: "قلت في المباراة كل الطرق تؤدى لمرمى أبو جبل وهذا حقيقي فعلا مش تقليل من الزمالك، الحارس تعرض لكم هجمات غير طبيعي، وفي عز سيطرة الأهلي قلت الزمالك فريق عظيم ولسه فاضل جولات كتير في الدوري والشاطر اللي هيضحك في الآخر، وقلت لو في وقت زيادة الزمالك يقدر يتعادل".
وأردف شلبي: "اسمعوا يازملكاوية تعليقي على أهداف الزمالك، قلت مثلا على هدف مصطفى فتحي لا الشناوي ولا عشرة زي الشناوي يعرفوا يطلعوا الجول ده، مع أن الشناوي ده حارس أسطوري وهو ثاني أفضل حارس في تاريخ مصر بعد الحضري".
وأكمل شلبى: "نيجي بقى لتعليقي على تألق على معلول، وهفكركم أنا من كام شهر قلت نفس الجملة لما على معلول عمل هدف لعمرو السولية في ماتش أنتو كلكوا عارفينه، وقلت وقتها معلول حط الزغلول يعني قديمة مش جديدة".