الناس اللي قاعدين في ميدان رابعة يعني مع كامل احترامي لكلام سيادتهم وليكن ما يكون يعني.. قاعدين يعملوا خطابات بالعربي والإنجليزي وقناة " السفيرة " بتاعتهم دي اللي عمالة تذيعلهم البيانات والمؤتمرات بالعربي والانجليزي.. وبقيت حاسة اني قاعدة في حصة ترجمة.. وشوية شوية هيقولونا 'نو ثورة ونو مصر اونلي إخوان ويل ليف فور ايفر " ومش بعيد بعد ما كان برلمانهم زمان بيقول نمنع اللغة الانجليزية من المدارس لأنها لغة بلاد الكفر.. يطلعلنا واحد دلوقتي يقولك " اين البرلمان !!" واللي يزيد كمان يقول إنه هيخلي اللغة الانجليزية هي اللغة الأولي في المدارس ونلغي العربي خالص. هما نسيوا انهم لازم يتكلموا مع الشعب المصري.. ولا مش فاهمين ان المصريين هما اللي بإيدهم القرار ؟ وعايزه اقولكم حاجة.. أوباما مش بيخيل عليه الكلام ده.. ولا انكوا تكلموه بلغته فيرد عليكم يقولكم واو وشاطرين وبرافو عليكم ويلا نفذلهم مطالبهم.. أوباما مع اللعبة الكسبانة وبيشجع اللعبة الحلوة.. وبصراحة 30 يونيو كان جون جون جوووووووووووووون.
ولو انتوا فاكرين إنهم بس بيتكلموا بالإنجليزي تبقوا غلطانين.. لازم تفكروا زيهم عشان توصولولهم.. هو كمان بيفكر بالإنجليزي على فكرة.