ايامى زى كل الناس , وحياتى طبيعية جدا ,تقدر تقول انى زى اى حد , يعنى مثلا يا سيدى بحب البس فى ساعتين......عادى....,بس اللى حصل انهاردة معايا مالوش زى...... كنت بعدل شعرى, وانا ببص فى المراية جيت ركزت اوى فى عينى ,بصيت اكتر...شفت حد !!! بيلمع من بعيد شخص تانى قاعد معايا بيضحك بيكشر بيعيط , وبيتالم فى نفس اللحظة....قعدت اتامل ملامحة اية دة !! مين دة؟؟ ....انا مش عارفاه بس حساه ....هل كنت مقابلاه ؟؟..يكسر فجاة صمتة ويرد عليا:لا لا عمرنا ماشفناه ......و يضحك,,طب ده بيضحك عليا ولا منى؟!! طب هو مين, جن !! ايه اللى جابة و اشمعنى انا بالذات!!,راح قالى:انت مالك خايفة كدة لية منى ,انا واضح معاكى ودة من حبى فيكى ,انا لا بتغير ولا بجامل ,انا زى ما انا ليه شايفانى وحش؟! اتنرفزت وانا بترعش ,قولتلة:انت مين وسكت للحظة.......ده قرب اكتر ملامحة وضحت بس مش اوى.....والكلام طلع منى:.اية دة!! انت بنت .....شكلك مش غريب عنى انا عارفاكى , قلبى بيقولى كدة, ردت: قلبك بيقولك ايه انى علطول مضايقاكى ؟,,,, من كتر خوفى وحيرتى وقعت على ركبتى وانا بعيط, و بصوت بستعطفها بيه: انت مين بقا...انا مش ناقصة حرام عليكى,يا تقولى انت مين لتبعدى وتسبينى اعوذ بالله عليكى.....قالتلى:طيب اهدى اهدى...قربت اكتر وقفت قدامى ببصلها بخوف لقيتها شبهى بس بملامح مرتاحة ,ابتسمت بصفا و جمال , و قالت: اهو دايما كدة البنى ادم بيشوف نفسه تعبان وخايف مهموم وضعيف,بس لما بتقرب من ملامحك كويس وتواجهها ..بتحس وتشوف الحقيقة انك مهما كنت ومهما حصل ....طفل ...الدنيا بس هماك وقرفاك.....فاهمة؟؟ مش عارفة ليه ماكنتش لاقية كلام ارد بيه عليها , الصراع اللى جوايا اكبر بكتير انى افسره غير بسكوت, ماكنتش فاهمة حاجة او يمكن مستغربة ..معقولة تطلعلى بعد كل ده.... نفسى اللى كنت بهرب دايما من مواجهتها ولا عشان عمرى ما اتصورت انها لسه موجودة وفاكرانى...مفوقتش من لحظة شرودى اللى خاطفانى غير لما حسيت بالم الندم بيقتلنى مش على اى حاجة غير نفسى....نفسى اللى نسيتها,ونسيت ميزتها و تفاصيلها وسبتها ماشية كدة لوحدها , زى ما بيقولوا ......امعه... بس للدنيا,,,جيت ابص تانى حساها ممكن تنقذنى,,لكن فى دوامة وجعى تانى وقعت......اصل هى ملقتهاش.. دور على ضحكتك الصافية ووشك الرايق,تبت فيه وماتسيبوش ,ليتوه فى الزحمة ومتعرفوش , وساعتها الف مين هيخبط فيك ,ويطلعلك باسمك بس هيكون فات الاوان............انك تعرفه.
