جلست فى الليل بمفردى تحت شجرة سنط أأنس بها وتأنس بي (أغنى اغنية فاتت جنبا ) برغم ان كنت قد قتلت ثعبان ضخم كان قد التهم سبعة ارانب وحاول الهرب و اختبأ فى طربوشي- ولم اكتفى بقتله بل علقته فى احدى افرعها وتركته للنمل مأدبة شهيه يملأ بها معدته ان كان له معدة. فجأة ظهر حمارى خلفى وقال : لماذا قتلته؟ قلت : لآنه ابتلع الارانب ولدغ امهم قال الحمار : انها حكمة الحياة القوى يفترس الضعيف قلت : مثلما يفترسه النمل الآن وهو لا حول له ولا قوة قال : وهل هذا هو الحل ؟ قلت : ربما - اريد ان اغير تلك المقوله - وأجعل الضعيف هو القوى قال الحمار وشفتاه مضطربتان أشك فيما تقول قلت : لقد قتلته وانتهى الآمر قال :لماذا لم تتركه يرحل ؟وينتهى الامر تركت الحديث عن الثعابين - والحيتان - والاسود - وقطع الروؤس - عندما مر بجانبى خيالها - اه يانى اه - واه - اه يانى - لهطة قشطة - هيفاء كالبدر ..ولا تقولى لا روبى ولا هيفاء ولا حتى حبيبة قلبى شاكيرا --- حاجه تانيه خالص ياولاد. نادى الحمار بأعلى صوته - فرشوطى افندى - فرشوطى بيه --- يامهيب الركن - . وانا ولا انا هنا - وقمت ملعلع وقايل : فاتت جنبنا أنا وهو .. وضحكت لنا أنا وهو. قال الحمار : ايه فرشوطى افندى انت نسيت القذافى - والزرافة ام رقبة طويله - وعمك الشويش على اللى انحرق ورجع من جهنم علشان يشعبط فى الكرسي؟ قلت : رديت وكمان رديت .. وفضلت أرد لحد ما فاتت قال الحمار : حطيت على القلب ايدى وانا بودع وحيدى -- ياباشا اصحى - نسيت الثعبان والكرسي قلت : ونسيت روحي وصحيت .. أتاريها خدت الشمس وغابت قال بيأس : فرشوطى بيحب ياحلاوة ياولاد -- بيحب خيال -- وانشغل ونسي قضايا التحرير اللى كان مهتم بيها -- نفسي اسألك سؤال :قبل مايطول انشغالك . قلت مقاطعا اياه : أسكت ياحمار اسكت .. انا بفكر فيها قال: وبتفكر ليه وشغال نفسك بأيه؟ دا وهم قلت : أعرف منين إنها قاصداني أنا مش هو ؟ قال الحمار - الظاهر ما فيش فايدة - قلت : خطوة حلوة جاية .. جايه اهه بص ... إلتفت لقيتها هي .. حاجة مش معقولة هى ياسلام الحب حلو - قلبى بيدوق - وابتديت اسمع ف قلبي .. لحن حب جديد علي. نادت بصوت لا اقدر على وصفه -- شوشو - فرشوطى . قال الحمار : وهم قلت : بس انا حسيت ولأول مرة .. باعيش وباحس -- ولقيتني بادوب في كلام الهمس .. اللي مالوش حس. رفسنى الحمار - اخرجنى من الحالة التى كنت اعيش فيها -- ونظرت حولى وانا اتأوه من شده الرفسة - وجدت الثعبان يتحرك - جريت خائفا - وانا اصرخ الثعبان مازال حيا -- الثعبان لم يمت - وسمعت صوت خلفى يغنى -- روحت مش عارف مالي .. ماعرفش إيه اللي جرىلي فرحان عايز أضحك .. مهموم عايز أبكي .. لا دموعي طايلها ولا لاقي حد اشكي. فرشوطى محمد - صحفى مصري ساخر http://www.facebook.com/farshoutye