يا أستاذة نيفين أنا وجوزي متابعين لباب فضفضة من زمان وهوة علشان بيحب يقرا ردودك ارجوكي انصحيه بالاقلاع عن التدخين او على الاقل التخفيف منها لانه جاله من مدة حساسية فظيعة قلبت بربو وهوة مفيش فايدة عمال تدخين ويبقى بيكح وهيفطس وتجيله أزمات جامدة وبرضه مفيش فايده .. هوة الصراحة قلل كتير عن الاول بس ده عشان بيتعب انما لو عليه يدخن حتى الموت وبصراحة أنا خايفة عليه وعلى صحته ،، أنا ساعات بهزر معاه عشان يخاف وبقول له هتموت فجأة من التدخين وانت برة ومش هتلاقي حد يدرى بيك هتعمل ايه ساعتها !! ارجوكي تنصحيه لان العيلة كلها كلمته وهوة مفيش فايدة مدام احمد بلال
فضفضة محررة الصفحة .. نيفين حجازي يا استاذ احمد الله يخليك تعالى على نفسك وبطل سجاير او خفها اكتر .. مش عشان صحتك وبس لكن عشان واضح ان مرحلة الزن الحريمي على راجل واحد تحول الى زن بالجملة .. لا مؤاخذة يا مدام احمد .. لكن الرجالة بتيجي بالمحايلة مش بالمحاولة .. والف سلامة على صحتك